अध्याय १०: विभूतियोग
Checked against Bhagavad-Gita, Annie Besant and Bhagavan Das (1905) — selected Sanskrit printSee the scanHow we check
All 42 numbered verses of Chapter 10: Krishna describes his origin, the devotion of the wise and, at Arjuna’s request, his principal divine manifestations, with original English reading aids and contextual notes.
श्लोक 1#
श्रीभगवानुवाच
भूय एव महाबाहो शृणु मे परमं वचः।
यत्तेऽहं प्रीयमाणाय वक्ष्यामि हितकाम्यया॥
Shribhagavanuvacha
Bhuya Eva Mahabaho Shrinu Me Paramam Vachah |
Yatte'ham Priyamanaya Vakshyami Hitakamyaya ||
Once more, mighty-armed one, listen to my supreme word, which I shall speak to you, who take delight in it, out of desire for your welfare.
श्लोक 2#
न मे विदुः सुरगणाः प्रभवं न महर्षयः।
अहमादिर्हि देवानां महर्षीणां च सर्वशः॥
Na Me Viduh Suraganah Prabhavam Na Maharshayah |
Ahamadirhi Devanam Maharshinam Cha Sarvashah ||
Neither the hosts of gods nor the great sages know my origin, for I am in every way the source of the gods and of the great sages.
श्लोक 3#
यो मामजमनादिं च वेत्ति लोकमहेश्वरम्।
असंमूढः स मर्त्येषु सर्वपापैः प्रमुच्यते॥
Yo Mamajamanadim Cha Vetti Lokamaheshvaram |
Asammudhah Sa Martyeshu Sarvapapaih Pramuchyate ||
Whoever knows me as unborn, without beginning and the great Lord of the worlds is undeluded among mortals and is released from all wrongdoing.
श्लोक 4#
बुद्धिर्ज्ञानमसंमोहः क्षमा सत्यं दमः शमः।
सुखं दुःखं भवोऽभावो भयं चाभयमेव च॥
Buddhirjnanamasammohah Kshama Satyam Damah Shamah |
Sukham Duhkham Bhavo'bhavo Bhayam Chabhayameva Cha ||
Discernment, knowledge, freedom from delusion, forbearance, truth, restraint and calm; happiness and sorrow, coming to be and passing away, fear and fearlessness—
श्लोक 5#
अहिंसा समता तुष्टिस्तपो दानं यशोऽयशः।
भवंति भावा भूतानां मत्त एव पृथग्विधाः॥
Ahimsa Samata Tushtistapo Danam Yasho'yashah |
Bhavanti Bhava Bhutanam Matta Eva Prithagvidhah ||
non-harming, evenness, contentment, austerity, giving, repute and disrepute: these varied states of beings arise from me alone.
श्लोक 6#
महर्षयः सप्त पूर्वे चत्वारो मनवस्तथा।
मद्भावा मानसा जाता येषां लोक इमाः प्रजाः॥
Maharshayah Sapta Purve Chatvaro Manavastatha |
Madbhava Manasa Jata Yesham Loka Imah Prajah ||
The seven great sages, the four of earlier times, and likewise the Manus, were born of my mind and share my nature; from them come these creatures in the world.
श्लोक 7#
एतां विभूतिं योगं च मम यो वेत्ति तत्त्वतः।
सोऽविकंपेन योगेन युज्यते नात्र संशयः॥
Etam Vibhutim Yogam Cha Mama Yo Vetti Tattvatah |
So'vikampena Yogena Yujyate Natra Samshayah ||
Whoever knows this manifest power and this yoga of mine in truth is joined through unwavering yoga; of this there is no doubt.
श्लोक 8#
अहं सर्वस्य प्रभवो मत्तः सर्वं प्रवर्तते।
इति मत्वा भजंते मां बुधा भावसमन्विताः॥
Aham Sarvasya Prabhavo Mattah Sarvam Pravartate |
Iti Matva Bhajante Mam Budha Bhavasamanvitah ||
I am the source of all; from me everything proceeds. Understanding this, the wise worship me, filled with devotion.
श्लोक 9#
मच्चित्ता मद्गतप्राणा बोधयंतः परस्परम्।
कथयंतश्च मां नित्यं तुष्यंति च रमंति च॥
Machchitta Madgataprana Bodhayantah Parasparam |
Kathayantashcha Mam Nityam Tushyanti Cha Ramanti Cha ||
With their minds fixed on me and their lives given to me, enlightening one another and always speaking of me, they are content and rejoice.
श्लोक 10#
तेषां सततयुक्तानां भजतां प्रीतिपूर्वकम्।
ददामि बुद्धियोगं तं येन मामुपयांति ते॥
Tesham Satatayuktanam Bhajatam Pritipurvakam |
Dadami Buddhiyogam Tam Yena Mamupayanti Te ||
To those who are constantly devoted and worship me with love, I give that yoga of understanding by which they come to me.
श्लोक 11#
तेषामेवानुकंपार्थमहमज्ञानजं तमः।
नाशयाम्यात्मभावस्थो ज्ञानदीपेन भास्वता॥
Teshamevanukamparthamahamajnanajam Tamah |
Nashayamyatmabhavastho Jnanadipena Bhasvata ||
Out of compassion for them, dwelling within their own being, I destroy the darkness born of ignorance with the shining lamp of knowledge.
श्लोक 12#
अर्जुन उवाच
परं ब्रह्म परं धाम पवित्रं परमं भवान्।
पुरुषं शाश्वतं दिव्यमादिदेवमजं विभुम्॥
Arjuna Uvacha
Param Brahma Param Dhama Pavitram Paramam Bhavan |
Purusham Shashvatam Divyamadidevamajam Vibhum ||
You are the supreme Brahman, the supreme abode, the supreme purifier; the eternal divine Person, the primal god, unborn and all-pervading—
श्लोक 13#
आहुस्त्वामृषयः सर्वे देवर्षिर्नारदस्तथा।
असितो देवलो व्यासः स्वयं चैव ब्रवीषि मे॥
Ahustvamrishayah Sarve Devarshirnaradastatha |
Asito Devalo Vyasah Svayam Chaiva Bravishi Me ||
so all the sages declare you, and the divine sage Narada, Asita, Devala and Vyasa; and you yourself tell me so.
श्लोक 14#
सर्वमेतदृतं मन्ये यन्मां वदसि केशव।
नहि ते भगवन्व्यक्तिं विदुर्देवा न दानवाः॥
Sarvametadritam Manye Yanmam Vadasi Keshava |
Nahi Te Bhagavanvyaktim Vidurdeva Na Danavah ||
All this that you tell me, Keshava, I hold to be true. Neither the gods nor the Danavas know your manifestation, Lord.
श्लोक 15#
स्वयमेवात्मनाऽऽत्मानं वेत्थ त्वं पुरुषोत्तम।
भूतभावन भूतेश देवदेव जगत्पते॥
Svayamevatmana''tmanam Vettha Tvam Purushottama |
Bhutabhavana Bhutesha Devadeva Jagatpate ||
You alone know yourself by yourself, supreme Person: source of beings, Lord of beings, god of gods, master of the world.
श्लोक 16#
वक्तुमर्हस्यशेषेण दिव्या ह्यात्मविभूतयः।
याभिर्विभूतिभिर्लोकानिमांस्त्वं व्याप्य तिष्ठसि॥
Vaktumarhasyasheshena Divya Hyatmavibhutayah |
Yabhirvibhutibhirlokanimamstvam Vyapya Tishthasi ||
Please tell me fully your divine manifestations, by which manifestations you pervade and abide in these worlds.
श्लोक 17#
कथं विद्यामहं योगिंस्त्वां सदा परिचिंतयन्।
केषु केषु च भावेषु चिंत्योऽसि भगवन्मया॥
Katham Vidyamaham Yogimstvam Sada Parichintayan |
Keshu Keshu Cha Bhaveshu Chintyo'si Bhagavanmaya ||
How may I know you, yogin, by constantly meditating on you? In which various states of being are you to be contemplated by me, Lord?
श्लोक 18#
विस्तरेणात्मनो योगं विभूतिं च जनार्दन।
भूयः कथय तृप्तिर्हि शृण्वतो नास्ति मेऽमृतम्॥
Vistarenatmano Yogam Vibhutim Cha Janardana |
Bhuyah Kathaya Triptirhi Shrinvato Nasti Me'mritam ||
Tell me again in detail your yoga and manifest power, Janardana; for hearing your nectar-like words, I find no satiety.
श्लोक 19#
श्रीभगवानुवाच
हंत ते कथयिष्यामि दिव्या ह्यात्मविभूतयः।
प्राधान्यतः कुरुश्रेष्ठ नास्त्यंतो विस्तरस्य मे॥
Shribhagavanuvacha
Hanta Te Kathayishyami Divya Hyatmavibhutayah |
Pradhanyatah Kurushreshtha Nastyanto Vistarasya Me ||
Yes, I will tell you my divine manifestations, best of the Kurus, according to their prominence, for there is no end to my extent.
श्लोक 20#
अहमात्मा गुडाकेश सर्वभूताशयस्थितः।
अहमादिश्च मध्यं च भूतानामंत एव च॥
Ahamatma Gudakesha Sarvabhutashayasthitah |
Ahamadishcha Madhyam Cha Bhutanamanta Eva Cha ||
I am the Self, Gudakesha, seated in the heart of all beings; I am the beginning, the middle and also the end of beings.
श्लोक 21#
आदित्यानामहं विष्णुर्ज्योतिषां रविरंशुमान्।
मरीचिर्मरुतामस्मि नक्षत्राणामहं शशी॥
Adityanamaham Vishnurjyotisham Raviramshuman |
Marichirmarutamasmi Nakshatranamaham Shashi ||
Among the Adityas I am Vishnu; among lights, the radiant sun; among the Maruts I am Marichi; among the stars I am the moon.
श्लोक 22#
वेदानां सामवेदोऽस्मि देवानामस्मि वासवः।
इन्द्रियाणां मनश्चास्मि भूतानामस्मि चेतना॥
Vedanam Samavedo'smi Devanamasmi Vasavah |
Indriyanam Manashchasmi Bhutanamasmi Chetana ||
Among the Vedas I am the Sama Veda; among the gods I am Vasava; among the senses I am the mind; and in beings I am consciousness.
श्लोक 23#
रुद्राणां शंकरश्चास्मि वित्तेशो यक्षरक्षसाम्।
वसूनां पावकश्चास्मि मेरुः शिखरिणामहम्॥
Rudranam Shankarashchasmi Vittesho Yaksharakshasam |
Vasunam Pavakashchasmi Meruh Shikharinamaham ||
Among the Rudras I am Shankara; among Yakshas and Rakshasas, the lord of wealth; among the Vasus I am Pavaka, fire; and among mountain peaks, Meru.
श्लोक 24#
पुरोधसां च मुख्यं मां विद्धि पार्थ बृहस्पतिम्।
सेनानीनामहं स्कंदः सरसामस्मि सागरः॥
Purodhasam Cha Mukhyam Mam Viddhi Partha Brihaspatim |
Senaninamaham Skandah Sarasamasmi Sagarah ||
Know me, Partha, as Brihaspati, chief among household priests; among commanders of armies I am Skanda; among waters I am the ocean.
श्लोक 25#
महर्षीणां भृगुरहं गिरामस्म्येकमक्षरम्।
यज्ञानां जपयज्ञोऽस्मि स्थावराणां हिमालयः॥
Maharshinam Bhriguraham Giramasmyekamaksharam |
Yajnanam Japayajno'smi Sthavaranam Himalayah ||
Among the great sages I am Bhrigu; among utterances, the single syllable; among sacrifices I am the sacrifice of quiet recitation; among immovable things, the Himalaya.
श्लोक 26#
अश्वत्थः सर्ववृक्षाणां देवर्षीणां च नारदः।
गंधर्वाणां चित्ररथः सिद्धानां कपिलो मुनिः॥
Ashvatthah Sarvavrikshanam Devarshinam Cha Naradah |
Gandharvanam Chitrarathah Siddhanam Kapilo Munih ||
Among all trees I am the ashvattha; among the divine sages, Narada; among Gandharvas, Chitraratha; among perfected beings, the sage Kapila.
श्लोक 27#
उच्चैःश्रवसमश्वानां विद्धि माममृतोद्भवम्।
ऐरावतं गजेंद्राणां नराणां च नराधिपम्॥
Uchchaihshravasamashvanam Viddhi Mamamritodbhavam |
Airavatam Gajendranam Naranam Cha Naradhipam ||
Among horses know me as Ucchaihshravas, born of the nectar; among lordly elephants, Airavata; and among humans, the king.
श्लोक 28#
आयुधानामहं वज्रं धेनूनामस्मि कामधुक्।
प्रजनश्चास्मि कंदर्पः सर्पाणामस्मि वासुकिः॥
Ayudhanamaham Vajram Dhenunamasmi Kamadhuk |
Prajanashchasmi Kandarpah Sarpanamasmi Vasukih ||
Among weapons I am the thunderbolt; among cows, Kamadhuk; I am Kandarpa, the begetter; among serpents I am Vasuki.
श्लोक 29#
अनन्तश्चास्मि नागानां वरुणो यादसामहम्।
पितॄणामर्यमा चास्मि यमः संयमतामहम्॥
Anantashchasmi Naganam Varuno Yadasamaham |
Pitrinamaryama Chasmi Yamah Samyamatamaham ||
Among the Nagas I am Ananta; among water-beings, Varuna; among the ancestors I am Aryaman; among those who restrain, I am Yama.
श्लोक 30#
प्रह्लादश्चास्मि दैत्यानां कालः कलयतामहम्।
मृगाणां च मृगेन्द्रोऽहं वैनतेयश्च पक्षिणाम्॥
Prahladashchasmi Daityanam Kalah Kalayatamaham |
Mriganam Cha Mrigendro'ham Vainateyashcha Pakshinam ||
Among the Daityas I am Prahlada; among reckoners, time; among wild animals I am the lion; among birds, Vainateya.
श्लोक 31#
पवनः पवतामस्मि रामः शस्त्रभृतामहम्।
झषाणां मकरश्चास्मि स्रोतसामस्मि जाह्नवी॥
Pavanah Pavatamasmi Ramah Shastrabhritamaham |
Jhashanam Makarashchasmi Srotasamasmi Jahnavi ||
Among purifiers I am the wind; among bearers of weapons, Rama; among fishes I am the makara; among rivers, the Jahnavi.
श्लोक 32#
सर्गाणामादिरंतश्च मध्यं चैवाहमर्जुन।
अध्यात्मविद्या विद्यानां वादः प्रवदतामहम्॥
Sarganamadirantashcha Madhyam Chaivahamarjuna |
Adhyatmavidya Vidyanam Vadah Pravadatamaham ||
Of creations I am the beginning, the end and also the middle, Arjuna; among sciences, the science of the Self; among those who debate, I am reasoned argument.
श्लोक 33#
अक्षराणामकारोऽस्मि द्वंद्वः सामासिकस्य च।
अहमेवाक्षयः कालो धाताऽहं विश्वतोमुखः॥
Aksharanamakaro'smi Dvandvah Samasikasya Cha |
Ahamevakshayah Kalo Dhata'ham Vishvatomukhah ||
Among letters I am the letter a; among compounds, the dvandva; I alone am imperishable time; I am the ordainer facing every direction.
श्लोक 34#
मृत्युः सर्वहरश्चाहमुद्भवश्च भविष्यताम्।
कीर्तिः श्रीर्वाक्च नारीणां स्मृतिर्मेधा धृतिः क्षमा॥
Mrityuh Sarvaharashchahamudbhavashcha Bhavishyatam |
Kirtih Shrirvakcha Narinam Smritirmedha Dhritih Kshama ||
I am death that carries all away, and the origin of what is yet to be; among feminine things I am fame, prosperity, speech, memory, intelligence, steadfastness and forbearance.
श्लोक 35#
बृहत्साम तथा साम्नां गायत्री छंदसामहम्।
मासानां मार्गशीर्षोऽहमृतूनां कुसुमाकरः॥
Brihatsama Tatha Samnam Gayatri Chhandasamaham |
Masanam Margashirsho'hamritunam Kusumakarah ||
Among chants I am the Brihat Saman; among metres, the Gayatri; among months I am Margashirsha; among seasons, the flower-bearing spring.
श्लोक 36#
द्यूतं छलयतामस्मि तेजस्तेजस्विनामहम्।
जयोऽस्मि व्यवसायोऽस्मि सत्त्वं सत्त्ववतामहम्॥
Dyutam Chhalayatamasmi Tejastejasvinamaham |
Jayo'smi Vyavasayo'smi Sattvam Sattvavatamaham ||
I am the gambling of deceivers and the splendour of the splendid; I am victory, I am resolve, I am the goodness of the good.
श्लोक 37#
वृष्णीनां वासुदेवोऽस्मि पांडवानां धनंजयः।
मुनीनामप्यहं व्यासः कवीनामुशना कविः॥
Vrishninam Vasudevo'smi Pandavanam Dhananjayah |
Muninamapyaham Vyasah Kavinamushana Kavih ||
Among the Vrishnis I am Vasudeva; among the Pandavas, Dhananjaya; among the sages I am Vyasa; among seers, the seer Ushanas.
श्लोक 38#
दंडो दमयतामस्मि नीतिरस्मि जिगीषताम्।
मौनं चैवास्मि गुह्यानां ज्ञानं ज्ञानवतामहम्॥
Dando Damayatamasmi Nitirasmi Jigishatam |
Maunam Chaivasmi Guhyanam Jnanam Jnanavatamaham ||
Among those who chastise I am the rod of authority; among those seeking victory, I am statecraft; among secrets I am silence; among the knowing, I am knowledge.
श्लोक 39#
यच्चापि सर्वभूताना बीजं तदहमर्जुन।
न तदस्ति विना यत्स्यान्मया भूतं चराचरम्॥
Yachchapi Sarvabhutana Bijam Tadahamarjuna |
Na Tadasti Vina Yatsyanmaya Bhutam Characharam ||
And whatever is the seed of all beings, that too am I, Arjuna; there is no being, moving or unmoving, that could exist without me.
श्लोक 40#
नांतोऽस्ति मम दिव्यानां विभूतीनां परंतप।
एष तूद्देशतः प्रोक्तो विभूतेर्विस्तरो मया॥
Nanto'sti Mama Divyanam Vibhutinam Parantapa |
Esha Tuddeshatah Prokto Vibhutervistaro Maya ||
There is no end to my divine manifestations, scorcher of foes; this extent of my manifest power has been declared by me only by way of illustration.
श्लोक 41#
यद्यद्विभूतिमत्सत्त्वं श्रीमदूर्जितमेव वा।
तत्तदेवावगच्छ त्वं मम तेजोंऽशसंभवम्॥
Yadyadvibhutimatsattvam Shrimadurjitameva Va |
Tattadevavagachchha Tvam Mama Tejom'shasambhavam ||
Whatever being is glorious, prosperous or powerful, understand that to have sprung from a fragment of my splendour.
श्लोक 42#
अथवा बहुनैतेन किं ज्ञातेन तवार्जुन।
विष्टभ्याहमिदं कृत्स्नमेकांशेन स्थितो जगत्॥
Athava Bahunaitena Kim Jnatena Tavarjuna |
Vishtabhyahamidam Kritsnamekamshena Sthito Jagat ||
But what need have you, Arjuna, of knowing all this in detail? I stand supporting this entire world with a single fragment of myself.