अध्याय १२: भक्तियोग
Checked against Bhagavad-Gita, Annie Besant and Bhagavan Das (1905) — selected Sanskrit printSee the scanHow we check
All 20 numbered verses of Chapter 12: Arjuna asks about two paths of worship and Krishna describes devotion, graded practice and the qualities of a devotee dear to him, with original English reading aids and contextual notes.
श्लोक 1#
अर्जुन उवाच
एवं सततयुक्ता ये भक्तास्त्वां पर्युपासते।
ये चाप्यक्षरमव्यक्तं तेषां के योगवित्तमाः॥
Arjuna Uvacha
Evam Satatayukta Ye Bhaktastvam Paryupasate |
Ye Chapyaksharamavyaktam Tesham Ke Yogavittamah ||
Of the devotees who remain steadily engaged and worship you in this way, and those who worship the imperishable, unmanifest, which are most proficient in yoga?
श्लोक 2#
श्रीभगवानुवाच
मय्यावेश्य मनो ये मां नित्ययुक्ता उपासते।
श्रद्धया परयोपेतास्ते मे युक्ततमा मताः॥
Shribhagavanuvacha
Mayyaveshya Mano Ye Mam Nityayukta Upasate |
Shraddhaya Parayopetaste Me Yuktatama Matah ||
Those who place their minds in me and worship me with constant dedication and the highest faith are, in my judgment, most fully joined in yoga.
श्लोक 3#
ये त्वक्षरमनिर्देश्यमव्यक्तं पर्युपासते।
सर्वत्रगमचिंत्यं च कूटस्थमचलं ध्रुवम्॥
Ye Tvaksharamanirdeshyamavyaktam Paryupasate |
Sarvatragamachintyam Cha Kutasthamachalam Dhruvam ||
But those who worship the imperishable, indescribable, unmanifest, all-pervading, inconceivable, unchanging, unmoving and enduring—
श्लोक 4#
संनियम्येंद्रियग्रामं सर्वत्र समबुद्धयः।
ते प्राप्नुवंति मामेव सर्वभूतहिते रताः॥
Samniyamyendriyagramam Sarvatra Samabuddhayah |
Te Prapnuvanti Mameva Sarvabhutahite Ratah ||
—having restrained the senses, remaining even-minded everywhere and engaged in the welfare of all beings, they too reach me.
श्लोक 5#
क्लेशोऽधिकतरस्तेषामव्यक्तासक्तचेतसाम्।
अव्यक्ता हि गतिर्दुःखं देहवद्भिरवाप्यते॥
Klesho'dhikatarasteshamavyaktasaktachetasam |
Avyakta Hi Gatirduhkham Dehavadbhiravapyate ||
Those whose minds cling to the unmanifest face greater difficulty, for the unmanifest goal is reached with difficulty by embodied beings.
श्लोक 6#
ये तु सर्वाणि कर्माणि मयि संन्यस्य मत्पराः।
अनन्येनैव योगेन मां ध्यायंत उपासते॥
Ye Tu Sarvani Karmani Mayi Samnyasya Matparah |
Ananyenaiva Yogena Mam Dhyayanta Upasate ||
But those who entrust all actions to me, taking me as their highest aim, meditate on me and worship me through yoga directed to me alone—
श्लोक 7#
तेषामहं समुद्धर्ता मृत्युसंसारसागरात्।
भवामि न चिरात्पार्थ मय्यावेशितचेतसाम्॥
Teshamaham Samuddharta Mrityusamsarasagarat |
Bhavami Na Chiratpartha Mayyaveshitachetasam ||
—for those whose minds are placed in me, I soon become the deliverer from the ocean of death and recurring existence, O Partha.
श्लोक 8#
मय्येव मन आधत्स्व मयि बुद्धिं निवेशय।
निवसिष्यसि मय्येव अत ऊर्द्ध्वं न संशयः॥
Mayyeva Mana Adhatsva Mayi Buddhim Niveshaya |
Nivasishyasi Mayyeva Ata Urddhvam Na Samshayah ||
Place your mind in me alone and direct your understanding to me. After this you will dwell in me alone; there is no doubt.
श्लोक 9#
अथ चित्तं समाधातुं न शक्नोषि मयि स्थिरम्।
अभ्यासयोगेन ततो मामिच्छाप्तुं धनंजय॥
Atha Chittam Samadhatum Na Shaknoshi Mayi Sthiram |
Abhyasayogena Tato Mamichchhaptum Dhananjaya ||
If you cannot hold your mind steadily in me, then seek to reach me through repeated practice of yoga, O Dhananjaya.
श्लोक 10#
अभ्यासेऽप्यसमर्थोऽसि मत्कर्मपरमो भव।
मदर्थमपि कर्माणि कुर्वन्सिद्धिमवाप्स्यसि॥
Abhyase'pyasamartho'si Matkarmaparamo Bhava |
Madarthamapi Karmani Kurvansiddhimavapsyasi ||
If you are unable even to practise in that way, make work for me your chief aim. By doing actions for my sake, you will attain fulfilment.
श्लोक 11#
अथैतदप्यशक्तोऽसि कर्तुं मद्योगमाश्रितः।
सर्वकर्मफलत्यागं ततः कुरु यतात्मवान्॥
Athaitadapyashakto'si Kartum Madyogamashritah |
Sarvakarmaphalatyagam Tatah Kuru Yatatmavan ||
If you cannot do even this, then, taking refuge in yoga directed to me and keeping yourself disciplined, relinquish the fruits of all actions.
श्लोक 12#
श्रेयो हि ज्ञानमभ्यासाज्ज्ञानाद्ध्यानं विशिष्यते।
ध्यानात्कर्मफलत्यागस्त्यागाच्छांतिरनंतरम्॥
Shreyo Hi Jnanamabhyasajjnanaddhyanam Vishishyate |
Dhyanatkarmaphalatyagastyagachchhantiranantaram ||
Knowledge is better than repeated practice; meditation surpasses knowledge; relinquishing the fruits of action surpasses meditation. Peace follows relinquishment immediately.
श्लोक 13#
अद्वेष्टा सर्वभूतानां मैत्रः करुण एव च।
निर्ममो निरहंकारः समदुःखसुखः क्षमी॥
Adveshta Sarvabhutanam Maitrah Karuna Eva Cha |
Nirmamo Nirahankarah Samaduhkhasukhah Kshami ||
One who bears no hatred toward any being, who is friendly and compassionate, free of possessiveness and ego, even-minded in pain and pleasure, and forgiving—
श्लोक 14#
संतुष्टः सततं योगी यतात्मा दृढनिश्चयः।
मय्यर्पितमनोबुद्धिर्यो मे भक्तः स मे प्रियः॥
Santushtah Satatam Yogi Yatatma Dridhanishchayah |
Mayyarpitamanobuddhiryo Me Bhaktah Sa Me Priyah ||
—a continually contented yogi, disciplined and firm in resolve, who dedicates mind and understanding to me: that devotee of mine is dear to me.
श्लोक 15#
यस्मान्नोद्विजते लोको लोकान्नोद्विजते च यः।
हर्षामर्षभयोद्वेगैर्मुक्तो यः स च मे प्रियः॥
Yasmannodvijate Loko Lokannodvijate Cha Yah |
Harshamarshabhayodvegairmukto Yah Sa Cha Me Priyah ||
One who does not disturb the world and is not disturbed by it, who is free from elation, resentment, fear and agitation, is also dear to me.
श्लोक 16#
अनपेक्षः शुचिर्दक्ष उदासीनो गतव्यथः।
सर्वारंभपरित्यागी यो मद्भक्तः स मे प्रियः॥
Anapekshah Shuchirdaksha Udasino Gatavyathah |
Sarvarambhaparityagi Yo Madbhaktah Sa Me Priyah ||
My devotee who is without expectations, pure, capable, impartial and free of distress, and who relinquishes all undertakings, is dear to me.
श्लोक 17#
यो न हृष्यति न द्वेष्टि न शोचति न काक्षति।
शुभाशुभपरित्यागी भक्तिमान्यः स मे प्रियः॥
Yo Na Hrishyati Na Dveshti Na Shochati Na Kakshati |
Shubhashubhaparityagi Bhaktimanyah Sa Me Priyah ||
One who neither exults nor hates, neither grieves nor longs, who relinquishes the auspicious and inauspicious and is devoted, is dear to me.
श्लोक 18#
समः शत्रौ च मित्रे च तथा मानापमानयोः।
शीतोष्णसुखदुःखेषु समः संगविवर्जितः॥
Samah Shatrau Cha Mitre Cha Tatha Manapamanayoh |
Shitoshnasukhaduhkheshu Samah Sangavivarjitah ||
Even-minded toward enemy and friend, and likewise in honour and dishonour, even-minded in cold and heat, pleasure and pain, and free of attachment—
श्लोक 19#
तुल्यनिंदास्तुतिर्मौनी संतुष्टो येनकेनचित्।
अनिकेतः स्थिरमतिर्भक्तिमान्मेप्रियो नरः॥
Tulyanindastutirmauni Santushto Yenakenachit |
Aniketah Sthiramatirbhaktimanmepriyo Narah ||
—alike in blame and praise, silent, content with whatever comes, without a fixed dwelling, steady in understanding and devoted: that person is dear to me.
श्लोक 20#
ये तु धर्म्यामृतमिदं यथोक्तं पर्युपासते।
श्रद्दधाना मत्परमा भक्तास्तेऽतीव मे प्रियाः॥
Ye Tu Dharmyamritamidam Yathoktam Paryupasate |
Shraddadhana Matparama Bhaktaste'tiva Me Priyah ||
But the faithful devotees who take me as their highest aim and follow this nectar-like teaching of dharma as it has been stated are exceedingly dear to me.