अध्याय १७: श्रद्धात्रयविभागयोग
Checked against Bhagavad-Gita, Annie Besant and Bhagavan Das (1905) — selected Sanskrit printSee the scanHow we check
All 28 numbered verses of Chapter 17: Krishna classifies faith, food, sacrifice, austerity and giving by the three gunas and explains Om Tat Sat, with original English reading aids and contextual notes.
श्लोक 1#
अर्जुन उवाच
ये शास्त्रविधिमुत्सृज्य यजंते श्रद्धयाऽन्विताः।
तेषा निष्ठा तु का कृष्ण सत्त्वमाहो रजस्तमः॥
Arjuna Uvacha
Ye Shastravidhimutsrijya Yajante Shraddhaya'nvitah |
Tesha Nishtha Tu Ka Krishna Sattvamaho Rajastamah ||
Those who set aside the rule of scripture yet offer sacrifice filled with faith, what is their standing, Krishna? Is it sattva, or rajas, or tamas?
श्लोक 2#
श्रीभगवानुवाच
त्रिविधा भवति श्रद्धा देहिनां सा स्वभावजा।
सात्त्विकी राजसी चैव तामसी चेति तां शृणु॥
Shribhagavanuvacha
Trividha Bhavati Shraddha Dehinam Sa Svabhavaja |
Sattviki Rajasi Chaiva Tamasi Cheti Tam Shrinu ||
The faith of embodied beings is of three kinds, born of their own nature: sattvic, rajasic and tamasic. Hear about it.
श्लोक 3#
सत्त्वानुरूपा सर्वस्य श्रद्धा भवति भारत।
श्रद्धामयोऽयं पुरुषो यो यच्छ्रद्धः स एव सः॥
Sattvanurupa Sarvasya Shraddha Bhavati Bharata |
Shraddhamayo'yam Purusho Yo Yachchhraddhah Sa Eva Sah ||
Everyone's faith conforms to their inner nature, O Bharata. A person is made of faith: whatever one's faith is, that indeed one is.
श्लोक 4#
यजंते सात्त्विका देवान्यक्षरक्षांसि राजसाः।
प्रेतान्भूतगणांश्चान्ये यजंते तामसाः जनाः॥
Yajante Sattvika Devanyaksharakshamsi Rajasah |
Pretanbhutaganamshchanye Yajante Tamasah Janah ||
Sattvic people worship the gods; rajasic people worship yakshas and rakshasas; the others, tamasic people, worship departed spirits and hosts of elemental beings.
श्लोक 5#
अशास्त्रविहितं घोरं तप्यंते ये तपो जनाः।
दंभाहंकारसंयुक्ताः कामरागबलान्विताः॥
Ashastravihitam Ghoram Tapyante Ye Tapo Janah |
Dambhahankarasamyuktah Kamaragabalanvitah ||
Those people who practise terrible austerity not enjoined by scripture, joined to hypocrisy and egoism, driven by the force of desire and passion,
श्लोक 6#
कर्षयंतः शरीरस्थं भूतग्राममचेतसः।
मां चैवांतःशरीरस्थं तान्विद्ध्यासुरनिश्चयान्॥
Karshayantah Sharirastham Bhutagramamachetasah |
Mam Chaivantahsharirastham Tanviddhyasuranishchayan ||
senselessly tormenting the group of elements that forms the body, and me too, who dwell within the body: know them to be of demonic resolve.
श्लोक 7#
आहारस्त्वपि सर्वस्य त्रिविधो भवति प्रियः।
यज्ञस्तपस्तथा दानं तेषां भेदमिमं शृणु॥
Aharastvapi Sarvasya Trividho Bhavati Priyah |
Yajnastapastatha Danam Tesham Bhedamimam Shrinu ||
The food that each person prefers is also of three kinds, as are sacrifice, austerity and giving. Hear this distinction among them.
श्लोक 8#
आयुःसत्त्वबलारोग्यसुखप्रीतिविवर्धनाः।
रस्याः स्निग्धाः स्थिरा हृद्या आहाराः सात्त्विकप्रियाः॥
Ayuhsattvabalarogyasukhapritivivardhanah |
Rasyah Snigdhah Sthira Hridya Aharah Sattvikapriyah ||
Foods that increase life, vitality, strength, health, happiness and cheerfulness, that are flavourful, mild, nourishing and pleasing, are dear to the sattvic.
श्लोक 9#
कट्वम्ललवणात्युष्णतीक्ष्णरूक्षविदाहिनः।
आहारा राजसस्येष्टा दुःखशोकामयप्रदाः॥
Katvamlalavanatyushnatikshnarukshavidahinah |
Ahara Rajasasyeshta Duhkhashokamayapradah ||
Foods that are bitter, sour, salty, very hot, pungent, dry and burning are desired by the rajasic; they bring pain, grief and sickness.
श्लोक 10#
यातयामं गतरसं पूति पर्युषितं च यत्।
उच्छिष्टमपि चामेध्यं भोजनं तामसप्रियम्॥
Yatayamam Gatarasam Puti Paryushitam Cha Yat |
Uchchhishtamapi Chamedhyam Bhojanam Tamasapriyam ||
Food that has stood too long, has lost its taste, is foul-smelling and stale, left over or impure, is dear to the tamasic.
श्लोक 11#
अफलाकांक्षिभिर्यज्ञो विधिदृष्टो य इज्यते।
यष्टव्यमेवेति मनः समाधाय स सात्त्विकः॥
Aphalakankshibhiryajno Vidhidrishto Ya Ijyate |
Yashtavyameveti Manah Samadhaya Sa Sattvikah ||
The sacrifice offered according to the rule by people who seek no reward, with the mind settled on the thought that sacrifice simply ought to be performed, is sattvic.
श्लोक 12#
अभिसंधाय तु फलं दंभार्थमपि चैव यत्।
इज्यते भरतश्रेष्ठ तं यज्ञं विद्धि राजसम्॥
Abhisandhaya Tu Phalam Dambharthamapi Chaiva Yat |
Ijyate Bharatashreshtha Tam Yajnam Viddhi Rajasam ||
But the sacrifice offered with the reward in view, or for the sake of display, O best of the Bharatas, know that sacrifice to be rajasic.
श्लोक 13#
विधिहीनमसृष्टान्नं मंत्रहीनमदक्षिणम्।
श्रद्धाविरहितं यज्ञं तामसं परिचक्षते॥
Vidhihinamasrishtannam Mantrahinamadakshinam |
Shraddhavirahitam Yajnam Tamasam Parichakshate ||
A sacrifice without the rule, without food distributed, without mantras, without a gift to the priests and empty of faith, they declare tamasic.
श्लोक 14#
देवद्विजगुरुप्राज्ञपूजनं शौचमार्जवम्।
ब्रह्मचर्यमहिंसा च शारीरं तप उच्यते॥
Devadvijaguruprajnapujanam Shauchamarjavam |
Brahmacharyamahimsa Cha Shariram Tapa Uchyate ||
Honouring the gods, the twice-born, teachers and the wise; cleanliness, straightforwardness, continence and non-harm: this is called the austerity of the body.
श्लोक 15#
अनुद्वेगकरं वाक्यं सत्यं प्रियहितं च यत्।
स्वाध्यायाभ्यसनं चैव वाङ्मयं तप उच्यते॥
Anudvegakaram Vakyam Satyam Priyahitam Cha Yat |
Svadhyayabhyasanam Chaiva Vanmayam Tapa Uchyate ||
Speech that causes no distress, that is true, kind and beneficial, and the regular practice of recitation and study: this is called the austerity of speech.
श्लोक 16#
मनःप्रसादः सौम्यत्वं मौनमात्मविनिग्रहः।
भावसंशुद्धिरित्येतत्तपो मानसमुच्यते॥
Manahprasadah Saumyatvam Maunamatmavinigrahah |
Bhavasamshuddhirityetattapo Manasamuchyate ||
Serenity of mind, gentleness, silence, self-restraint and purity of disposition: this is called the austerity of the mind.
श्लोक 17#
श्रद्धया परया तप्तं तपस्तत्त्रिविधं नरैः।
अफलाकांक्षिभिर्युक्तैः सात्त्विकं परिचक्षते॥
Shraddhaya Paraya Taptam Tapastattrividham Naraih |
Aphalakankshibhiryuktaih Sattvikam Parichakshate ||
That threefold austerity, practised with the highest faith by disciplined people who seek no reward, they declare sattvic.
श्लोक 18#
सत्कारमानपूजार्थं तपो दंभेन चैव यत्।
क्रियते तदिह प्रोक्तं राजसं चलमध्रुवम्॥
Satkaramanapujartham Tapo Dambhena Chaiva Yat |
Kriyate Tadiha Proktam Rajasam Chalamadhruvam ||
Austerity performed for the sake of respect, honour and reverence, and with display, is here called rajasic; it is unstable and impermanent.
श्लोक 19#
मूढग्राहेणात्मनो यत्पीडया क्रियते तपः।
परस्योत्सादनार्थं वा तत्तामसमुदाहृतम्॥
Mudhagrahenatmano Yatpidaya Kriyate Tapah |
Parasyotsadanartham Va Tattamasamudahritam ||
Austerity performed out of deluded obstinacy, with torment of oneself, or for the purpose of destroying another, is declared tamasic.
श्लोक 20#
दातव्यमिति यद्दानं दीयतेऽनुपकारिणे।
देशे काले च पात्रे च तद्दानं सात्त्विकं स्मृतम्॥
Datavyamiti Yaddanam Diyate'nupakarine |
Deshe Kale Cha Patre Cha Taddanam Sattvikam Smritam ||
A gift given with the thought that giving is simply right, to one who can make no return, at a fitting place and time and to a worthy recipient, is held to be sattvic.
श्लोक 21#
यत्तु प्रत्युपकारार्थं फलमुद्दिश्य वा पुनः।
दीयते च परिक्लिष्टं तद्दानं राजसं स्मृतम्॥
Yattu Pratyupakarartham Phalamuddishya Va Punah |
Diyate Cha Pariklishtam Taddanam Rajasam Smritam ||
But a gift given for the sake of a return favour, or again with a reward in view, or given grudgingly, is held to be rajasic.
श्लोक 22#
अदेशकाले यद्दानमपात्रेभ्यश्च दीयते।
असत्कृतमवज्ञातं तत्तामसमुदाहृतम्॥
Adeshakale Yaddanamapatrebhyashcha Diyate |
Asatkritamavajnatam Tattamasamudahritam ||
A gift given at a wrong place or time and to unworthy recipients, without respect and with contempt, is declared tamasic.
श्लोक 23#
ओं तत्सदिति निर्देशो ब्रह्मणस्त्रिविधः स्मृतः।
ब्राह्मणास्तेन वेदाश्च यज्ञाश्च विहिताः पुरा॥
Om Tatsaditi Nirdesho Brahmanastrividhah Smritah |
Brahmanastena Vedashcha Yajnashcha Vihitah Pura ||
'Om, Tat, Sat': this is remembered as the threefold designation of Brahman. By it the Brahmanas, the Vedas and the sacrifices were ordained of old.
श्लोक 24#
तस्मादोमित्युदाहृत्य यज्ञदानतपःक्रियाः।
प्रवर्तंते विधानोक्ताः सततं ब्रह्मवादिनाम्॥
Tasmadomityudahritya Yajnadanatapahkriyah |
Pravartante Vidhanoktah Satatam Brahmavadinam ||
Therefore the acts of sacrifice, giving and austerity prescribed by the rule are always begun by those who speak of Brahman after uttering 'Om'.
श्लोक 25#
तदित्यनभिसंधाय फलं यज्ञतपःक्रियाः।
दानक्रियाश्च विविधाः क्रियंते मोक्षकांक्षिभिः॥
Tadityanabhisandhaya Phalam Yajnatapahkriyah |
Danakriyashcha Vividhah Kriyante Mokshakankshibhih ||
With 'Tat', and without aiming at the reward, the various acts of sacrifice and austerity and the acts of giving are performed by those who seek liberation.
श्लोक 26#
सद्भावे साधुभावे च सदित्येतत्प्रयुज्यते।
प्रशस्ते कर्मणि तथा सच्छब्दः पार्थ युज्यते॥
Sadbhave Sadhubhave Cha Sadityetatprayujyate |
Prashaste Karmani Tatha Sachchhabdah Partha Yujyate ||
'Sat' is used in the sense of what is real and of what is good; and the word 'Sat' is also applied, O Partha, to a praiseworthy action.
श्लोक 27#
यज्ञे तपसि दाने च स्थितिः सदिति चोच्यते।
कर्म चैव तदर्थीयं सदित्येवाभिधीयते॥
Yajne Tapasi Dane Cha Sthitih Saditi Chochyate |
Karma Chaiva Tadarthiyam Sadityevabhidhiyate ||
Steadiness in sacrifice, austerity and giving is also called 'Sat', and action for the sake of these is likewise named 'Sat'.
श्लोक 28#
अश्रद्धया हुतं दत्तं तपस्तप्तं कृतं च यत्।
असदित्युच्यते पार्थ न च तत्प्रेत्य नो इह॥
Ashraddhaya Hutam Dattam Tapastaptam Kritam Cha Yat |
Asadityuchyate Partha Na Cha Tatpretya No Iha ||
Whatever is offered, given, practised as austerity or done without faith is called 'Asat', O Partha; it counts for nothing after death, nor here.