अध्याय २: सांख्ययोग

Checked against Bhagavad-Gita, Annie Besant and Bhagavan Das (1905) — selected Sanskrit printSee the scanHow we check

The 72 numbered verses of Chapter 2: Arjuna’s grief and Krishna’s teaching on the embodied self, action and steady understanding, with original English reading aids.

श्लोक 1#

संजय उवाच

तं तथा कृपयाविष्टमश्रुपूर्णाकुलेक्षणम्।

विषीदंतमिदं वाक्यमुवाच मधुसूदनः॥

Sanjaya Uvacha

Tam Tatha Kripayavishtamashrupurnakulekshanam |

Vishidantamidam Vakyamuvacha Madhusudanah ||

Sanjaya says that Madhusudana spoke to Arjuna as he stood overcome by compassion, his eyes troubled and full of tears, sunk in grief.

श्लोक 2#

श्रीभगवानुवाच

कुतस्त्वा कश्मलमिदं विषमे समुपस्थितम्।

अनार्यजुष्टमस्वर्ग्यमकीर्तिकरमर्जुन॥

Shribhagavanuvacha

Kutastva Kashmalamidam Vishame Samupasthitam |

Anaryajushtamasvargyamakirtikaramarjuna ||

Krishna asks Arjuna how this confusion has overtaken him in a crisis, calling it unworthy, not leading to heaven and damaging to his standing.

श्लोक 3#

क्लैब्यं मास्म गमः पार्थ नैतत्त्वय्युपपद्यते।
क्षुद्रं हृदयदौर्बल्यं त्यक्त्वोत्तिष्ठ परंतप॥

Klaibyam Masma Gamah Partha Naitattvayyupapadyate |
Kshudram Hridayadaurbalyam Tyaktvottishtha Parantapa ||

Krishna urges Arjuna not to give way to this weakness, saying it does not befit him; he asks Arjuna to set aside his faintness of heart and rise.

श्लोक 4#

अर्जुन उवाच

कथं भीष्ममहं संख्ये द्रोणं च मधुसूदन।

इषुभिः प्रतियोत्स्यामि पूजार्हावरिसूदन॥

Arjuna Uvacha

Katham Bhishmamaham Sankhye Dronam Cha Madhusudana |

Ishubhih Pratiyotsyami Pujarhavarisudana ||

Arjuna asks Madhusudana how he could fight Bhishma and Drona with arrows when he regards both as worthy of reverence.

श्लोक 5#

गुरूनहत्वा हि महानुभावान्
श्रेयो भोक्तुं भैक्ष्यमपीह लोके।
हत्वार्थकामांस्तु गुरूनिहैव
भुंजीय भोगान्रुधिरप्रदिग्धान्॥

Gurunahatva Hi Mahanubhavan
Shreyo Bhoktum Bhaikshyamapiha Loke |
Hatvarthakamamstu Gurunihaiva
Bhunjiya Bhoganrudhirapradigdhan ||

Arjuna says he would rather live on alms than kill his venerable teachers; enjoyments gained by killing them would, to him, be stained with blood.

श्लोक 6#

न चैतद्विद्मः कतरन्नो गरीयो
यद्वा जयेम यदि वा नो जयेयुः।
यानेव हत्वा न जिजीविषामः
तेऽवस्थिताः प्रमुखे धार्तराष्ट्राः॥

Na Chaitadvidmah Kataranno Gariyo
Yadva Jayema Yadi Va No Jayeyuh |
Yaneva Hatva Na Jijivishamah
Te'vasthitah Pramukhe Dhartarashtrah ||

Arjuna says they do not know which would be better: to defeat the opposing side or be defeated by it. Those whose deaths would make life unbearable to them are standing before them—the sons of Dhritarashtra.

श्लोक 7#

कार्पण्यदोषोपहतस्वभावः
पृच्छामि त्वां धर्मसंमूढचेताः।
यच्छ्रेयः स्यान्निश्चितं ब्रूहि तन्मे
शिष्यस्तेऽहं शाधि मां त्वां प्रपन्नम्॥

Karpanyadoshopahatasvabhavah
Prichchhami Tvam Dharmasammudhachetah |
Yachchhreyah Syannishchitam Bruhi Tanme
Shishyaste'ham Shadhi Mam Tvam Prapannam ||

Arjuna says his judgment about duty is clouded and asks Krishna to tell him what is truly best; calling himself a disciple, he asks to be taught.

श्लोक 8#

नहि प्रपश्यामि ममापनुद्याद्
यच्छोकमुच्छोषणमिंद्रियाणाम्।
अवाप्य भूमावसपत्नमृद्धं
राज्यं सुराणामपि चाधिपत्यम्॥

Nahi Prapashyami Mamapanudyad
Yachchhokamuchchhoshanamindriyanam |
Avapya Bhumavasapatnamriddham
Rajyam Suranamapi Chadhipatyam ||

Arjuna cannot see how the grief that drains his senses would be removed, even by an unrivalled prosperous kingdom on earth or sovereignty among the gods.

श्लोक 9#

संजय उवाच

एवमुक्त्वा हृषीकेशं गुडाकेशः परंतप।

न योत्स्य इति गोविंदमुक्त्वातूष्णीं बभूव ह॥

Sanjaya Uvacha

Evamuktva Hrishikesham Gudakeshah Parantapa |

Na Yotsya Iti Govindamuktvatushnim Babhuva Ha ||

Sanjaya reports that Arjuna, after addressing Hrishikesha and saying to Govinda, 'I will not fight,' fell silent.

श्लोक 10#

तमुवाच हृषीकेशः प्रहसन्निव भारत।
सेनयोरुभयोर्मध्ये विषीदंतमिदं वचः॥

Tamuvacha Hrishikeshah Prahasanniva Bharata |
Senayorubhayormadhye Vishidantamidam Vachah ||

Between the two armies, Hrishikesha, seeming to smile, spoke these words to the despondent Arjuna, as Sanjaya tells Bharata.

श्लोक 11#

श्रीभगवानुवाच

अशोच्यानन्वशोचस्त्वं प्रज्ञावादांश्च भाषसे।

गतासूनगतासूंश्च नानुशोचंति पंडिताः॥

Shribhagavanuvacha

Ashochyananvashochastvam Prajnavadamshcha Bhashase |

Gatasunagatasumshcha Nanushochanti Panditah ||

Krishna tells Arjuna that he grieves while speaking as though wise, and says the wise do not grieve for the living or the dead.

श्लोक 12#

न त्वेवाहं जातु नासं न त्वं नेमे जनाधिपाः।
न चैव न भविष्यामः सर्वे वयमतः परम्॥

Na Tvevaham Jatu Nasam Na Tvam Neme Janadhipah |
Na Chaiva Na Bhavishyamah Sarve Vayamatah Param ||

Krishna says there was never a time when he, Arjuna or the assembled kings did not exist, nor will there be a time when they cease to exist.

श्लोक 13#

देहिनोऽस्मिन्यथा देहे कौमारं यौवनं जरा।
तथा देहांतरप्राप्तिर्धीरस्तत्र न मुह्यति॥

Dehino'sminyatha Dehe Kaumaram Yauvanam Jara |
Tatha Dehantarapraptirdhirastatra Na Muhyati ||

Krishna compares the embodied one's passage through childhood, youth and old age in one body with passage to another body; he says the steady-minded are not bewildered by this.

श्लोक 14#

मात्रास्पर्शास्तु कौन्तेय शीतोष्णसुखदुःखदाः।
आगमापायिनोऽनित्यास्तांस्तितिक्षस्व भारत॥

Matrasparshastu Kaunteya Shitoshnasukhaduhkhadah |
Agamapayino'nityastamstitikshasva Bharata ||

Krishna tells Arjuna that sensory contacts bring cold and heat, pleasure and pain; they arise and pass, and he asks Arjuna to bear them.

श्लोक 15#

यं हि न व्यथयन्त्येते पुरुषं पुरुषर्षभ।
समदुःखसुखं धीरं सोऽमृतत्वाय कल्पते॥

Yam Hi Na Vyathayantyete Purusham Purusharshabha |
Samaduhkhasukham Dhiram So'mritatvaya Kalpate ||

Krishna describes a steadfast person, not shaken by these experiences and even toward pain and pleasure, as fit for immortality.

श्लोक 16#

नासतो विद्यते भावो नाभावो विद्यते सतः।
उभयोरपि दृष्टोऽन्तस्त्वनयोस्तत्त्वदर्शिभिः॥

Nasato Vidyate Bhavo Nabhavo Vidyate Satah |
Ubhayorapi Drishto'ntastvanayostattvadarshibhih ||

Krishna says that what is unreal has no enduring being and what is real does not cease to be; those who see the truth have discerned the distinction between the two.

श्लोक 17#

अविनाशि तु तद्विद्धि येन सर्वमिदं ततम्।
विनाशमव्ययस्यास्य न कश्चित्कर्तुमर्हति॥

Avinashi Tu Tadviddhi Yena Sarvamidam Tatam |
Vinashamavyayasyasya Na Kashchitkartumarhati ||

Krishna asks Arjuna to know that which pervades all this as indestructible; no one can bring that imperishable to an end.

श्लोक 18#

अंतवंत इमे देहा नित्यस्योक्ताः शरीरिणः।
अनाशिनोऽप्रमेयस्य तस्माद्युध्यस्व भारत॥

Antavanta Ime Deha Nityasyoktah Sharirinah |
Anashino'prameyasya Tasmadyudhyasva Bharata ||

Krishna calls bodies finite and the embodied one eternal, indestructible and immeasurable; in this battlefield exchange he therefore urges Arjuna to fight.

श्लोक 19#

य एनं वेत्ति हंतारं यश्चैनं मन्यते हतम्।
उभौ तौ न विजानीतो नायं हंति न हन्यते॥

Ya Enam Vetti Hantaram Yashchainam Manyate Hatam |
Ubhau Tau Na Vijanito Nayam Hanti Na Hanyate ||

Krishna says that one who regards the embodied self as a killer or as killed does not understand his account: it neither kills nor is killed.

श्लोक 20#

न जायते म्रियते वा कदाचिन्नायं भूत्वा भविता वा न भूयः।
अजो नित्यः शाश्वतोऽयं पुराणो न हन्यते हन्यमाने शरीरे॥

Na Jayate Mriyate Va Kadachinnayam Bhutva Bhavita Va Na Bhuyah |
Ajo Nityah Shashvato'yam Purano Na Hanyate Hanyamane Sharire ||

Krishna says the embodied self is not born or killed, is lasting and ancient, and is not slain when the body is slain.

श्लोक 21#

वेदाविनाशिनं नित्यं य एनमजमव्ययम्।
कथं स पुरुषः पार्थ कं घातयति हंति कम्॥

Vedavinashinam Nityam Ya Enamajamavyayam |
Katham Sa Purushah Partha Kam Ghatayati Hanti Kam ||

Krishna asks how someone who knows this embodied self as indestructible, eternal, unborn and imperishable could kill anyone or cause anyone to be killed.

श्लोक 22#

वासांसि जीर्णानि यथा विहाय नवानि गृह्णाति नरोऽपराणि।
तथा शरीराणि विहाय जीर्णान्यन्यानि संयाति नवानि देही॥

Vasamsi Jirnani Yatha Vihaya Navani Grihnati Naro'parani |
Tatha Sharirani Vihaya Jirnanyanyani Samyati Navani Dehi ||

Krishna compares the embodied one's leaving worn-out bodies and entering new ones to a person discarding old clothes and taking up others.

श्लोक 23#

नैनं छिंदंति शस्त्राणि नैनं दहति पावकः।
न चैनं क्लेदयंत्यापो न शोषयति मारुतः॥

Nainam Chhindanti Shastrani Nainam Dahati Pavakah |
Na Chainam Kledayantyapo Na Shoshayati Marutah ||

Krishna says weapons do not cut the embodied self, fire does not burn it, water does not wet it and wind does not dry it.

श्लोक 24#

अच्छेद्योऽयमदाह्योऽयमक्लेद्योऽशोष्य एव च।
नित्यः सर्वगतः स्थाणुरचलोऽयं सनातनः॥

Achchhedyo'yamadahyo'yamakledyo'shoshya Eva Cha |
Nityah Sarvagatah Sthanurachalo'yam Sanatanah ||

Krishna describes the embodied self as unable to be cut, burned, wetted or dried, and as eternal, all-pervading, stable, unmoving and ancient.

श्लोक 25#

अव्यक्तोऽयमचिंत्योऽयमविकार्योऽयमुच्यते।
तस्मादेवं विदित्वैनं नानुशोचितुमर्हसि॥

Avyakto'yamachintyo'yamavikaryo'yamuchyate |
Tasmadevam Viditvainam Nanushochitumarhasi ||

Krishna calls it unmanifest, beyond thought and unchanging; knowing it in this way, he tells Arjuna not to grieve.

श्लोक 26#

अथ चैनं नित्यजातं नित्यं वा मन्यसे मृतम्।
तथापि त्वं महाबाहो नैनं शोचितुमर्हसि॥

Atha Chainam Nityajatam Nityam Va Manyase Mritam |
Tathapi Tvam Mahabaho Nainam Shochitumarhasi ||

Krishna tells Arjuna that even if he thinks of this self as continually born and continually dying, he still need not grieve for it.

श्लोक 27#

जातस्य हि ध्रुवो मृत्युर्ध्रुवं जन्म मृतस्य च।
तस्मादपरिहार्येऽर्थे न त्वं शोचितुमर्हसि॥

Jatasya Hi Dhruvo Mrityurdhruvam Janma Mritasya Cha |
Tasmadapariharye'rthe Na Tvam Shochitumarhasi ||

Krishna says death is certain for one who is born and birth for one who has died; on what cannot be avoided, he tells Arjuna not to grieve.

श्लोक 28#

अव्यक्तादीनि भूतानि व्यक्तमध्यानि भारत।
अव्यक्तनिधनान्येव तत्र का परिदेवना॥

Avyaktadini Bhutani Vyaktamadhyani Bharata |
Avyaktanidhananyeva Tatra Ka Paridevana ||

Krishna calls beings unmanifest before their appearance, manifest in between and unmanifest again at their end, then asks Arjuna what there is to lament.

श्लोक 29#

आश्चर्यवत्पश्यति कश्चिदेनमाश्चर्यवद्वदति तथैव चान्यः।
आश्चर्यवच्चैनमन्यः शृणोति श्रुत्वाप्येनं वेद न चैव कश्चित्॥

Ashcharyavatpashyati Kashchidenamashcharyavadvadati Tathaiva Chanyah |
Ashcharyavachchainamanyah Shrinoti Shrutvapyenam Veda Na Chaiva Kashchit ||

Krishna says one person sees this self as a wonder, another speaks of it as a wonder and another hears of it so; even after hearing, no one truly knows it.

श्लोक 30#

देही नित्यमवध्योऽयं देहे सर्वस्य भारत।
तस्मात्सर्वाणि भूतानि न त्वं शोचितुमर्हसि॥

Dehi Nityamavadhyo'yam Dehe Sarvasya Bharata |
Tasmatsarvani Bhutani Na Tvam Shochitumarhasi ||

Krishna calls the embodied one in every body always beyond killing and again tells Arjuna not to grieve for any beings.

श्लोक 31#

स्वधर्ममपि चावेक्ष्य न विकंपितुमर्हसि।
धर्म्याद्धि युद्धाच्छ्रेयोऽन्यत्क्षत्रियस्य न विद्यते॥

Svadharmamapi Chavekshya Na Vikampitumarhasi |
Dharmyaddhi Yuddhachchhreyo'nyatkshatriyasya Na Vidyate ||

Krishna asks Arjuna to consider his own duty and says that, for a kshatriya in this dialogue, nothing is better than a just battle.

श्लोक 32#

यदृच्छया चोपपन्नं स्वर्गद्वारमपावृतम्।
सुखिनः क्षत्रियाः पार्थ लभन्ते युद्धमीदृशम्॥

Yadrichchhaya Chopapannam Svargadvaramapavritam |
Sukhinah Kshatriyah Partha Labhante Yuddhamidrisham ||

Krishna calls such an unsought battle an open gate to heaven and says that kshatriyas who receive it are fortunate.

श्लोक 33#

अथ चेत्त्वमिमं धर्म्यं संग्रामं न करिष्यसि।
ततः स्वधर्मं कीर्तिं च हित्वा पापमवाप्स्यसि॥

Atha Chettvamimam Dharmyam Sangramam Na Karishyasi |
Tatah Svadharmam Kirtim Cha Hitva Papamavapsyasi ||

Krishna says that if Arjuna does not take part in this battle he calls just, Arjuna will abandon his duty and reputation and incur wrongdoing.

श्लोक 34#

अकीर्तिं चापि भूतानि कथयिष्यंति तेऽव्ययाम्।
संभावितस्य चाकीर्तिर्मरणादतिरिच्यते॥

Akirtim Chapi Bhutani Kathayishyanti Te'vyayam |
Sambhavitasya Chakirtirmaranadatirichyate ||

Krishna says people will speak of Arjuna's lasting disgrace and that, for someone held in esteem, disgrace is worse than death.

श्लोक 35#

भयाद्रणादुपरतं मंस्यंते त्वां महारथाः।
येषां च त्वं बहुमतो भूत्वा यास्यसि लाघवम्॥

Bhayadranaduparatam Mamsyante Tvam Maharathah |
Yesham Cha Tvam Bahumato Bhutva Yasyasi Laghavam ||

Krishna says the great chariot-warriors will think Arjuna withdrew from the fight out of fear, so the one they respected will be held in less regard.

श्लोक 36#

अवाच्यवादांश्च बहून्वदिष्यंति तवाहिताः।
निंदंतस्तव सामर्थ्यं ततो दुःखतरं नु किम्॥

Avachyavadamshcha Bahunvadishyanti Tavahitah |
Nindantastava Samarthyam Tato Duhkhataram Nu Kim ||

Krishna says Arjuna's enemies will speak many unworthy words and disparage his strength, asking what could hurt more.

श्लोक 37#

हतो वा प्राप्स्यसि स्वर्गं जित्वा वा भोक्ष्यसे महीम्।
तस्मादुत्तिष्ठ कौन्तेय युद्धाय कृतनिश्चयः॥

Hato Va Prapsyasi Svargam Jitva Va Bhokshyase Mahim |
Tasmaduttishtha Kaunteya Yuddhaya Kritanishchayah ||

Krishna tells Arjuna that death in battle would bring heaven and victory would bring rule on earth, and urges him to rise with resolve to fight.

श्लोक 38#

सुखदुःखे समे कृत्वा लाभालाभौ जयाजयौ।
ततो युद्धाय युज्यस्व नैवं पापमवाप्स्यसि॥

Sukhaduhkhe Same Kritva Labhalabhau Jayajayau |
Tato Yuddhaya Yujyasva Naivam Papamavapsyasi ||

Krishna asks Arjuna to regard pleasure and pain, gain and loss, victory and defeat alike, then engage in battle; he says Arjuna would not thereby incur wrongdoing.

श्लोक 39#

एषा तेऽभिहिता सांख्ये बुद्धिर्योगे त्विमां शृणु।
बुद्ध्या युक्तो यया पार्थ कर्मबंधं प्रहास्यसि॥

Esha Te'bhihita Sankhye Buddhiryoge Tvimam Shrinu |
Buddhya Yukto Yaya Partha Karmabandham Prahasyasi ||

Krishna says he has explained understanding in Sankhya and now asks Arjuna to hear it in Yoga; joined to this understanding, Arjuna may leave the bond of action behind.

श्लोक 40#

नेहाभिक्रमनाशोऽस्ति प्रत्यवायो न विद्यते।
स्वल्पमप्यस्य धर्मस्य त्रायते महतो भयात्॥

Nehabhikramanasho'sti Pratyavayo Na Vidyate |
Svalpamapyasya Dharmasya Trayate Mahato Bhayat ||

Krishna says effort in this path is not lost and brings no adverse result; even a little of this dharma protects from great fear.

श्लोक 41#

व्यवसायात्मिका बुद्धिरेकेह कुरुनंदन।
बहुशाखा ह्यनंताश्च बुद्धयोऽव्यवसायिनाम्॥

Vyavasayatmika Buddhirekeha Kurunandana |
Bahushakha Hyanantashcha Buddhayo'vyavasayinam ||

Krishna contrasts single-minded resolve on this path with the many-branched, endless thoughts of those without such resolve.

श्लोक 42#

यामिमां पुष्पितां वाचं प्रवदंत्यविपश्चितः।
वेदवादरताः पार्थ नान्यदस्तीति वादिनः॥

Yamimam Pushpitam Vacham Pravadantyavipashchitah |
Vedavadaratah Partha Nanyadastiti Vadinah ||

Krishna criticizes people he calls undiscerning, pleased with Vedic speech and insisting there is nothing else, for speaking in elaborate promises.

श्लोक 43#

कामात्मानः स्वर्गपरा जन्मकर्मफलप्रदाम्।
क्रियाविशेषबहुलां भोगैश्वर्यगतिं प्रति॥

Kamatmanah Svargapara Janmakarmaphalapradam |
Kriyavisheshabahulam Bhogaishvaryagatim Prati ||

Continuing that description, Krishna says they are desire-led and heaven-directed, speaking of birth and action's fruits through many special rites aimed at enjoyment and power.

श्लोक 44#

भोगैश्वर्यप्रसक्तानां तयापहृतचेतसाम्।
व्यवसायात्मिका बुद्धिः समाधौ न विधीयते॥

Bhogaishvaryaprasaktanam Tayapahritachetasam |
Vyavasayatmika Buddhih Samadhau Na Vidhiyate ||

For people attached to enjoyment and power, whose minds are carried off by that speech, Krishna says steady resolve does not become established in contemplation.

श्लोक 45#

त्रैगुण्यविषया वेदा निस्त्रैगुण्यो भवार्जुन।
निर्द्वंद्वो नित्यसत्त्वस्थो निर्योगक्षेम आत्मवान्॥

Traigunyavishaya Veda Nistraigunyo Bhavarjuna |
Nirdvandvo Nityasattvastho Niryogakshema Atmavan ||

Krishna says the Vedas concern the three qualities and urges Arjuna to go beyond them, beyond opposites, steady in sattva, free from anxiety over acquiring and keeping, and self-possessed.

श्लोक 46#

यावानर्थ उदपाने सर्वतः संप्लुतोदके।
तावान्सर्वेषु वेदेषु ब्राह्मणस्य विजानतः॥

Yavanartha Udapane Sarvatah Samplutodake |
Tavansarveshu Vedeshu Brahmanasya Vijanatah ||

Krishna compares the use of a well when water is abundant everywhere with the use of all the Vedas for a Brahmin who understands.

श्लोक 47#

कर्मण्येवाधिकारस्ते मा फलेषु कदाचन।
मा कर्मफलहेतुर्भूर्मा ते संगोऽस्त्वकर्मणि॥

Karmanyevadhikaraste Ma Phaleshu Kadachana |
Ma Karmaphalaheturbhurma Te Sango'stvakarmani ||

Krishna tells Arjuna that his sphere of action is his own, not control over its fruits; he should neither act solely for a result nor become attached to inaction.

श्लोक 48#

योगस्थः कुरु कर्माणि संगं त्यक्त्वा धनंजय।
सिद्ध्यसिद्ध्योः समो भूत्वा समत्वं योग उच्यते॥

Yogasthah Kuru Karmani Sangam Tyaktva Dhananjaya |
Siddhyasiddhyoh Samo Bhutva Samatvam Yoga Uchyate ||

Krishna tells Arjuna to act while grounded in yoga, letting go of attachment and remaining even toward success and failure; he calls such evenness yoga.

श्लोक 49#

दूरेण ह्यवरं कर्म बुद्धियोगाद्धनंजय।
बुद्धौ शरणमन्विच्छ कृपणाः फलहेतवः॥

Durena Hyavaram Karma Buddhiyogaddhananjaya |
Buddhau Sharanamanvichchha Kripanah Phalahetavah ||

Krishna calls action pursued for its fruits far lesser than yoga joined with understanding, asks Arjuna to seek refuge in that understanding, and criticizes those driven by rewards.

श्लोक 50#

बुद्धियुक्तो जहातीह उभे सुकृतदुष्कृते।
तस्माद्योगाय युज्यस्व योगः कर्मसु कौशलम्॥

Buddhiyukto Jahatiha Ubhe Sukritadushkrite |
Tasmadyogaya Yujyasva Yogah Karmasu Kaushalam ||

Krishna says a person joined with understanding leaves behind both merit and demerit bound up with action; he urges Arjuna toward yoga, which he calls skill in action.

श्लोक 51#

कर्मजं बुद्धियुक्ता हि फलं त्यक्त्वा मनीषिणः।
जन्मबंधविनिर्मुक्ताः पदं गच्छंत्यनामयम्॥

Karmajam Buddhiyukta Hi Phalam Tyaktva Manishinah |
Janmabandhavinirmuktah Padam Gachchhantyanamayam ||

Krishna says the wise, joined with understanding and letting go of action's fruit, are freed from the bond of birth and reach a state free from affliction.

श्लोक 52#

यदा ते मोहकलिलं बुद्धिर्व्यतितरिष्यति।
तदा गंतासि निर्वेदं श्रोतव्यस्य श्रुतस्य च॥

Yada Te Mohakalilam Buddhirvyatitarishyati |
Tada Gantasi Nirvedam Shrotavyasya Shrutasya Cha ||

Krishna says that when Arjuna's understanding crosses the tangle of confusion, he will become detached from what has been heard and what remains to be heard.

श्लोक 53#

श्रुतिविप्रतिपन्ना ते यदा स्थास्यति निश्चला।
समाधावचला बुद्धिस्तदा योगमवाप्स्यसि॥

Shrutivipratipanna Te Yada Sthasyati Nishchala |
Samadhavachala Buddhistada Yogamavapsyasi ||

Krishna says that when Arjuna's understanding, pulled in differing directions by what he has heard, becomes steady and unmoving in contemplation, he will attain yoga.

श्लोक 54#

अर्जुन उवाच

स्थितप्रज्ञस्य का भाषा समाधिस्थस्य केशव।

स्थितधीः किं प्रभाषेत किमासीत व्रजेत किम्॥

Arjuna Uvacha

Sthitaprajnasya Ka Bhasha Samadhisthasya Keshava |

Sthitadhih Kim Prabhasheta Kimasita Vrajeta Kim ||

Arjuna asks Krishna how to recognize someone whose understanding is steady in contemplation: how does such a person speak, sit and move?

श्लोक 55#

श्रीभगवानुवाच

प्रजहाति यदा कामान्सर्वान्पार्थ मनोगतान्।

आत्मन्येवात्मना तुष्टः स्थितप्रज्ञस्तदोच्यते॥

Shribhagavanuvacha

Prajahati Yada Kamansarvanpartha Manogatan |

Atmanyevatmana Tushtah Sthitaprajnastadochyate ||

Krishna replies that a person is called steady in understanding when they let go of the mind's desires and find contentment in the self by the self.

श्लोक 56#

दुःखेष्वनुद्विग्नमनाः सुखेषु विगतस्पृहः।
वीतरागभयक्रोधः स्थितधीर्मुनिरुच्यते॥

Duhkheshvanudvignamanah Sukheshu Vigatasprihah |
Vitaragabhayakrodhah Sthitadhirmuniruchyate ||

Krishna describes a steady-minded sage as not overwhelmed by pain, not grasping at pleasure, and free from clinging, fear and anger.

श्लोक 57#

यः सर्वत्रानभिस्नेहस्तत्तत्प्राप्य शुभाशुभम्।
नाभिनंदति न द्वेष्टि तस्य प्रज्ञा प्रतिष्ठिता॥

Yah Sarvatranabhisnehastattatprapya Shubhashubham |
Nabhinandati Na Dveshti Tasya Prajna Pratishthita ||

Krishna says understanding is steady in one who does not cling anywhere or swing between elation and hatred when meeting what is favorable or unfavorable.

श्लोक 58#

यदा संहरते चायं कूर्मोऽङ्गानीव सर्वशः।
इंद्रियाणींद्रियार्थेभ्यस्तस्य प्रज्ञा प्रतिष्ठिता॥

Yada Samharate Chayam Kurmo'nganiva Sarvashah |
Indriyanindriyarthebhyastasya Prajna Pratishthita ||

Krishna likens gathering the senses away from their objects to a tortoise drawing in its limbs, calling such understanding steady.

श्लोक 59#

विषया विनिवर्तंते निराहारस्य देहिनः।
रसवर्जं रसोऽप्यस्य परं दृष्ट्वा निवर्तते॥

Vishaya Vinivartante Niraharasya Dehinah |
Rasavarjam Raso'pyasya Param Drishtva Nivartate ||

Krishna distinguishes turning away from sense objects from losing the taste for them; he says that taste subsides on seeing the highest.

श्लोक 60#

यततो ह्यपि कौंतेय पुरुषस्य विपश्चितः।
इंद्रियाणि प्रमाथीनि हरंति प्रसभं मनः॥

Yatato Hyapi Kaunteya Purushasya Vipashchitah |
Indriyani Pramathini Haranti Prasabham Manah ||

Krishna warns Arjuna that even a discerning person who strives can have the mind forcefully pulled away by turbulent senses.

श्लोक 61#

तानि सर्वाणि संयम्य युक्त आसीत मत्परः।
वशे हि यस्येंद्रियाणि तस्य प्रज्ञा प्रतिष्ठिता॥

Tani Sarvani Samyamya Yukta Asita Matparah |
Vashe Hi Yasyendriyani Tasya Prajna Pratishthita ||

Krishna asks one to gather the senses, remain integrated, and take him as the highest aim; understanding is steady when the senses are under one's direction.

श्लोक 62#

ध्यायतो विषयान्पुंसः संगस्तेषूपजायते।
संगात्संजायते कामः कामात्क्रोधोऽभिजायते॥

Dhyayato Vishayanpumsah Sangasteshupajayate |
Sangatsanjayate Kamah Kamatkrodho'bhijayate ||

Krishna traces a sequence from dwelling on sense objects to attachment, from attachment to desire, and from desire to anger.

श्लोक 63#

क्रोधाद्भवति संमोहः संमोहात्स्मृतिविभ्रमः।
स्मृतिभ्रंशाद् बुद्धिनाशो बुद्धिनाशात्प्रणश्यति॥

Krodhadbhavati Sammohah Sammohatsmritivibhramah |
Smritibhramshad Buddhinasho Buddhinashatpranashyati ||

Krishna continues: anger gives rise to confusion, confusion disturbs memory, and the loss of memory and discernment ends in ruin.

श्लोक 64#

रागद्वेषवियुक्तैस्तु विषयानिंद्रियैश्चरन्।
आत्मवश्यैर्विधेयात्मा प्रसादमधिगच्छति॥

Ragadveshaviyuktaistu Vishayanindriyaishcharan |
Atmavashyairvidheyatma Prasadamadhigachchhati ||

Krishna says a self-directed person can move among sense objects with senses free from attraction and aversion and reach inner clarity.

श्लोक 65#

प्रसादे सर्वदुःखानां हानिरस्योपजायते।
प्रसन्नचेतसो ह्याशु बुद्धिः पर्यवतिष्ठते॥

Prasade Sarvaduhkhanam Hanirasyopajayate |
Prasannachetaso Hyashu Buddhih Paryavatishthate ||

Krishna says clarity calms suffering and lets the understanding of a tranquil-minded person become steady.

श्लोक 66#

नास्ति बुद्धिरयुक्तस्य न चायुक्तस्य भावना।
न चाभावयतः शांतिरशांतस्य कुतः सुखम्॥

Nasti Buddhirayuktasya Na Chayuktasya Bhavana |
Na Chabhavayatah Shantirashantasya Kutah Sukham ||

Krishna links an unintegrated mind with lack of contemplation and peace, then asks how happiness can arise without peace.

श्लोक 67#

इंद्रियाणां हि चरतां यन्मनोऽनुविधीयते।
तदस्य हरति प्रज्ञां वायुर्नावमिवांभसि॥

Indriyanam Hi Charatam Yanmano'nuvidhiyate |
Tadasya Harati Prajnam Vayurnavamivambhasi ||

Krishna compares a mind following wandering senses to wind carrying a boat away on water, disturbing discernment.

श्लोक 68#

तस्माद्यस्य महाबाहो निगृहीतानि सर्वशः।
इंद्रियाणींद्रियार्थेभ्यस्तस्य प्रज्ञा प्रतिष्ठिता॥

Tasmadyasya Mahabaho Nigrihitani Sarvashah |
Indriyanindriyarthebhyastasya Prajna Pratishthita ||

Krishna concludes that the understanding of one whose senses are held back from their objects is steady.

श्लोक 69#

या निशा सर्वभूतानां तस्यां जागर्ति संयमी।
यस्यां जाग्रति भूतानि सा निशा पश्यतो मुनेः॥

Ya Nisha Sarvabhutanam Tasyam Jagarti Samyami |
Yasyam Jagrati Bhutani Sa Nisha Pashyato Muneh ||

Krishna contrasts what seems like night to ordinary beings with the insight in which a disciplined sage is awake, and reverses the image for ordinary waking.

श्लोक 70#

आपूर्यमाणमचलप्रतिष्ठं
समुद्रमापः प्रविशंति यद्वत्।
तद्वत्कामा यं प्रविशंति सर्वे
स शांतिमाप्नोति न कामकामी॥

Apuryamanamachalapratishtham
Samudramapah Pravishanti Yadvat |
Tadvatkama Yam Pravishanti Sarve
Sa Shantimapnoti Na Kamakami ||

Krishna likens a person at peace, even as desires reach them, to the sea receiving rivers without losing its steadiness; craving desire does not bring that peace.

श्लोक 71#

विहाय कामान्यः सर्वान्पुमांश्चरति निःस्पृहः।
निर्ममो निरहंकारः स शांतिमधिगच्छति॥

Vihaya Kamanyah Sarvanpumamshcharati Nihsprihah |
Nirmamo Nirahankarah Sa Shantimadhigachchhati ||

Krishna describes one who lets go of desires, lives without craving or possessiveness, and is free of ego as attaining peace.

श्लोक 72#

एषा ब्राह्मी स्थितिः पार्थ नैनां प्राप्य विमुह्यति।
स्थित्वास्यामंतकालेऽपि ब्रह्म निर्वाणमृच्छति॥

Esha Brahmi Sthitih Partha Nainam Prapya Vimuhyati |
Sthitvasyamantakale'pi Brahma Nirvanamrichchhati ||

Krishna calls this the state grounded in Brahman, saying one who reaches it is no longer bewildered and, established in it even at life's end, reaches liberation in Brahman.