अध्याय ५: कर्मसंन्यासयोग
Checked against Bhagavad-Gita, Annie Besant and Bhagavan Das (1905) — selected Sanskrit printSee the scanHow we check
All 29 numbered verses of Chapter 5: Krishna’s teaching on renunciation, action, equal vision and contemplative peace, with original English reading aids.
श्लोक 1#
अर्जुन उवाच
संन्यासं कर्मणां कृष्ण पुनर्योगं च शंससि।
यच्छ्रेय एतयोरेकं तन्मे ब्रूहि सुनिश्चितम्॥
Arjuna Uvacha
Samnyasam Karmanam Krishna Punaryogam Cha Shamsasi |
Yachchhreya Etayorekam Tanme Bruhi Sunishchitam ||
Arjuna asks Krishna to tell him decisively which is better: renouncing actions or practising yoga, since Krishna has commended both.
श्लोक 2#
श्रीभगवानुवाच
संन्यासः कर्मयोगश्च निःश्रेयसकरावुभौ।
तयोस्तु कर्मसंन्यासात्कर्मयोगो विशिष्यते॥
Shribhagavanuvacha
Samnyasah Karmayogashcha Nihshreyasakaravubhau |
Tayostu Karmasamnyasatkarmayogo Vishishyate ||
Krishna replies that both renunciation and yoga through action lead toward the highest good, but he gives yoga through action the preference over renouncing action.
श्लोक 3#
ज्ञेयः स नित्यसंन्यासी यो न द्वेष्टि न कांक्षति।
निर्द्वंद्वो हि महाबाहो सुखं बंधात्प्रमुच्यते॥
Jneyah Sa Nityasamnyasi Yo Na Dveshti Na Kankshati |
Nirdvandvo Hi Mahabaho Sukham Bandhatpramuchyate ||
Krishna calls the person who neither hates nor longs for things a constant renunciant; free from opposing pulls, that person is released from bondage with ease.
श्लोक 4#
सांख्ययोगौ पृथग्बालाः प्रवदंति न पंडिताः।
एकमप्यास्थितः सम्यगुभयोर्विंदते फलम्॥
Sankhyayogau Prithagbalah Pravadanti Na Panditah |
Ekamapyasthitah Samyagubhayorvindate Phalam ||
He says that the unwise, not the discerning, treat Sankhya and yoga as separate: someone established well in either reaches the fruit of both.
श्लोक 5#
यत्सांख्यैः प्राप्यते स्थानं तद्योगैरपि गम्यते।
एकं सांख्यं च योगं च यः पश्यति स पश्यति॥
Yatsankhyaih Prapyate Sthanam Tadyogairapi Gamyate |
Ekam Sankhyam Cha Yogam Cha Yah Pashyati Sa Pashyati ||
He says the state reached by those following Sankhya is also reached by those practising yoga; one who sees Sankhya and yoga as one sees rightly.
श्लोक 6#
संन्यासस्तु महाबाहो दुःखमाप्तुमयोगतः।
योगयुक्तो मुनिर्ब्रह्म न चिरेणाधिगच्छति॥
Samnyasastu Mahabaho Duhkhamaptumayogatah |
Yogayukto Munirbrahma Na Chirenadhigachchhati ||
Krishna says renunciation is difficult to attain without yoga, while a contemplative person joined to yoga reaches Brahman before long.
श्लोक 7#
योगयुक्तो विशुद्धात्मा विजितात्मा जितेंद्रियः।
सर्वभूतात्मभूतात्मा कुर्वन्नपि न लिप्यते॥
Yogayukto Vishuddhatma Vijitatma Jitendriyah |
Sarvabhutatmabhutatma Kurvannapi Na Lipyate ||
Krishna describes a person joined to yoga, purified in self, self-governed and with senses restrained, whose self is identified with the self of all beings, as unstained even while acting.
श्लोक 8#
नैव किंचित्करोमीति युक्तो मन्येत तत्त्ववित्।
पश्यञ्शृण्वन्स्पृशञ्जिघ्रन्नश्नन्गच्छन्स्वपञ्श्वसन्॥
Naiva Kinchitkaromiti Yukto Manyeta Tattvavit |
Pashyanshrinvansprishanjighrannashnangachchhansvapanshvasan ||
The person joined to yoga who knows reality may think, 'I do nothing at all,' while seeing, hearing, touching, smelling, eating, moving, sleeping and breathing; the description continues in 5.9.
श्लोक 9#
प्रलपन्विसृजन्गृह्णन्नुन्मिषन्निमिषन्नपि।
इन्द्रियाणीन्द्रियार्थेषु वर्तंत इति धारयन्॥
Pralapanvisrijangrihnannunmishannimishannapi |
Indriyanindriyartheshu Vartanta Iti Dharayan ||
The list continues with speaking, releasing, grasping and opening or closing the eyes; the person holds that the senses operate among their objects.
श्लोक 10#
ब्रह्मण्याधाय कर्माणि संगं त्यक्त्वा करोति यः।
लिप्यते न स पापेन पद्मपत्रमिवांभसा॥
Brahmanyadhaya Karmani Sangam Tyaktva Karoti Yah |
Lipyate Na Sa Papena Padmapatramivambhasa ||
Krishna compares a person who offers actions to Brahman and acts without attachment to a lotus leaf untouched by water, saying such a person is not stained by wrong.
श्लोक 11#
कायेन मनसा बुद्ध्या केवलैरिन्द्रियैरपि।
योगिनः कर्म कुर्वंति संगं त्यक्त्वाऽऽत्मशुद्धये॥
Kayena Manasa Buddhya Kevalairindriyairapi |
Yoginah Karma Kurvanti Sangam Tyaktva''tmashuddhaye ||
Yogis perform action through body, mind, understanding and the senses while setting attachment aside, for purification of the self.
श्लोक 12#
युक्तः कर्मफलं त्यक्त्वा शांतिमाप्नोति नैष्ठिकीम्।
अयुक्तः कामकारेण फले सक्तो निबध्यते॥
Yuktah Karmaphalam Tyaktva Shantimapnoti Naishthikim |
Ayuktah Kamakarena Phale Sakto Nibadhyate ||
The person joined to yoga lets go of action's fruit and reaches enduring peace, Krishna says; one driven by desire and attached to the fruit becomes bound.
श्लोक 13#
सर्वकर्माणि मनसा संन्यस्यास्ते सुखं वशी।
नवद्वारे पुरे देही नैव कुर्वन्न कारयन्॥
Sarvakarmani Manasa Samnyasyaste Sukham Vashi |
Navadvare Pure Dehi Naiva Kurvanna Karayan ||
Having mentally renounced actions, the self-controlled embodied one rests in the nine-gated city of the body, neither acting nor causing action in this contemplative description.
श्लोक 14#
न कर्तृत्वं न कर्माणि लोकस्य सृजति प्रभुः।
न कर्मफलसंयोगं स्वभावस्तु प्रवर्तते॥
Na Kartritvam Na Karmani Lokasya Srijati Prabhuh |
Na Karmaphalasamyogam Svabhavastu Pravartate ||
Krishna says the Lord does not create agency, people's actions or the joining of action to its result; rather, nature proceeds.
श्लोक 15#
नादत्ते कस्यचित्पापं न चैव सुकृतं विभुः।
अज्ञानेनावृतं ज्ञानं तेन मुह्यंति जंतवः॥
Nadatte Kasyachitpapam Na Chaiva Sukritam Vibhuh |
Ajnanenavritam Jnanam Tena Muhyanti Jantavah ||
He says the all-pervading one does not take on anyone's wrong or good deed; beings are confused because ignorance covers knowledge.
श्लोक 16#
ज्ञानेन तु तदज्ञानं येषां नाशितमात्मनः।
तेषामादित्यवज्ज्ञानं प्रकाशयति तत्परम्॥
Jnanena Tu Tadajnanam Yesham Nashitamatmanah |
Teshamadityavajjnanam Prakashayati Tatparam ||
For those whose ignorance is dispelled by knowledge of the self, Krishna says that knowledge illuminates the supreme like the sun.
श्लोक 17#
तद्बुद्धयस्तदात्मानस्तन्निष्ठास्तत्परायणाः।
गच्छंत्यपुनरावृत्तिं ज्ञाननिर्धूतकल्मषाः॥
Tadbuddhayastadatmanastannishthastatparayanah |
Gachchhantyapunaravrittim Jnananirdhutakalmashah ||
Those whose understanding, self, steadiness and goal are directed toward that reality, with their faults removed by knowledge, go toward a state without return, Krishna says.
श्लोक 18#
विद्याविनयसंपन्ने ब्राह्मणे गवि हस्तिनि।
शुनि चैव श्वपाके च पंडिताः समदर्शिनः॥
Vidyavinayasampanne Brahmane Gavi Hastini |
Shuni Chaiva Shvapake Cha Panditah Samadarshinah ||
Krishna says the discerning see with equal regard a learned Brahmin, a cow, an elephant, a dog and a person identified by the historical caste-ranked term shvapaka.
श्लोक 19#
इहैव तैर्जितः सर्गो येषां साम्ये स्थितं मनः।
निर्दोषं हि समं ब्रह्म तस्माद्ब्रह्मणि ते स्थिताः॥
Ihaiva Tairjitah Sargo Yesham Samye Sthitam Manah |
Nirdosham Hi Samam Brahma Tasmadbrahmani Te Sthitah ||
Krishna says those whose minds rest in equal vision have overcome becoming even here; Brahman is impartial and without flaw, so they abide in Brahman.
श्लोक 20#
न प्रहृष्येत्प्रियं प्राप्य नोद्विजेत्प्राप्य चाप्रियम्।
स्थिरबुद्धिरसंमूढो ब्रह्मविद्ब्रह्मणि स्थितः॥
Na Prahrishyetpriyam Prapya Nodvijetprapya Chapriyam |
Sthirabuddhirasammudho Brahmavidbrahmani Sthitah ||
One who knows Brahman and is established in it, with steady understanding and without confusion, neither exults at the pleasant nor recoils at the unpleasant, Krishna says.
श्लोक 21#
बाह्यस्पर्शेष्वसक्तात्मा विंदत्यात्मनि यत्सुखम्।
स ब्रह्मयोगयुक्तात्मा सुखमक्षय्यमश्नुते॥
Bahyasparsheshvasaktatma Vindatyatmani Yatsukham |
Sa Brahmayogayuktatma Sukhamakshayyamashnute ||
A person unattached to external contacts finds happiness within the self and, joined to Brahman through yoga, enjoys a happiness that does not fade, Krishna says.
श्लोक 22#
ये हि संस्पर्शजा भोगा दुःखयोनय एव ते।
आद्यंतवंतः कौन्तेय न तेषु रमते बुधः॥
Ye Hi Samsparshaja Bhoga Duhkhayonaya Eva Te |
Adyantavantah Kaunteya Na Teshu Ramate Budhah ||
Krishna tells Arjuna that pleasures born of contact are indeed sources of suffering: they begin and end, and the discerning do not delight in them.
श्लोक 23#
शक्नोतीहैव यः सोढुं प्राक्शरीरविमोक्षणात्।
कामक्रोधोद्भवं वेगं स युक्तः स सुखी नरः॥
Shaknotihaiva Yah Sodhum Prak Sharira Vimokshanat |
Kamakrodhodbhavam Vegam Sa Yuktah Sa Sukhi Narah ||
Krishna says one who can withstand the impulse arising from desire and anger here, before release from the body, is joined to yoga and is happy.
श्लोक 24#
योऽन्तःसुखोऽन्तरारामस्तथान्तर्ज्योतिरेव यः।
स योगी ब्रह्मनिर्वाणं ब्रह्मभूतोऽधिगच्छति॥
Yo'ntahsukho'ntararamastathantarjyotireva Yah |
Sa Yogi Brahmanirvanam Brahmabhuto'dhigachchhati ||
Krishna says the yogi who finds happiness, delight and light within, having become Brahman, reaches the peace called Brahman-nirvana.
श्लोक 25#
लभंते ब्रह्मनिर्वाणमृषयः क्षीणकल्मषाः।
छिन्नद्वैधा यतात्मानः सर्वभूतहिते रताः॥
Labhante Brahmanirvanamrishayah Kshinakalmashah |
Chhinnadvaidha Yatatmanah Sarvabhutahite Ratah ||
Krishna says seers whose faults and doubts have been overcome, who are self-controlled and devoted to the welfare of all beings, attain peace in Brahman.
श्लोक 26#
कामक्रोधवियुक्तानां यतीनां यतचेतसाम्।
अभितो ब्रह्मनिर्वाणं वर्तते विदितात्मनाम्॥
Kamakrodhaviyuktanam Yatinam Yatachetasam |
Abhito Brahmanirvanam Vartate Viditatmanam ||
For disciplined seekers who understand the self, govern their minds and are free of desire and anger, Krishna says peace in Brahman is near.
श्लोक 27#
स्पर्शान्कृत्वा बहिर्बाह्यांश्चक्षुश्चैवांतरे भ्रुवोः।
प्राणापानौ समौ कृत्वा नासाभ्यंतरचारिणौ॥
Sparshan Kritva Bahir Bahyamsh Chakshush Chaivantare Bhruvoh |
Pranapanau Samau Kritva Nasabhyantaracharinau ||
The verse depicts a contemplative turning attention away from outside contacts, directing the gaze between the brows and balancing the breaths moving through the nose.
श्लोक 28#
यतेंद्रियमनोबुद्धिर्मुनिर्मोक्षपरायणः।
विगतेच्छाभयक्रोधो यः सदा मुक्त एव सः॥
Yatendriyamanobuddhirmunirmokshaparayanah |
Vigatechchhabhayakrodho Yah Sada Mukta Eva Sah ||
The contemplative whose senses, mind and understanding are governed, whose goal is release, and whose desire, fear and anger have passed is called ever free, Krishna says.
श्लोक 29#
भोक्तारं यज्ञतपसां सर्वलोकमहेश्वरम्।
सुहृदं सर्वभूतानां ज्ञात्वा मां शांतिमृच्छति॥
Bhoktaram Yajnatapasam Sarvalokamaheshvaram |
Suhridam Sarvabhutanam Jnatva Mam Shantimrichchhati ||
Krishna says that one who knows him as the recipient of sacrifices and austerities, lord of all worlds and friend to all beings reaches peace.