अध्याय ६: आत्मसंयमयोग
Checked against Bhagavad-Gita, Annie Besant and Bhagavan Das (1905) — selected Sanskrit printSee the scanHow we check
All 47 numbered verses of Chapter 6: Krishna and Arjuna discuss meditation, a restless mind, equal regard and devotion, with original English reading aids.
श्लोक 1#
श्रीभगवानुवाच
अनाश्रितः कर्मफलं कार्यं कर्म करोति यः।
स संन्यासी च योगी च न निरग्निर्न चाक्रियः॥
Shribhagavanuvacha
Anashritah Karmaphalam Karyam Karma Karoti Yah |
Sa Samnyasi Cha Yogi Cha Na Niragnirna Chakriyah ||
Krishna says the person who performs the work to be done without depending on its result is both renunciant and yogi; merely giving up ritual fire or activity does not make one so.
श्लोक 2#
यं संन्यासमिति प्राहुर्योगं तं विद्धि पांडव।
न ह्यसंन्यस्तसंकल्पो योगी भवति कश्चन॥
Yam Samnyasamiti Prahuryogam Tam Viddhi Pandava |
Na Hyasamnyastasankalpo Yogi Bhavati Kashchana ||
Krishna tells Arjuna to understand what is called renunciation as yoga too; a person who has not relinquished self-directed resolve does not become a yogi.
श्लोक 3#
आरुरुक्षोर्मुनेर्योगं कर्म कारणमुच्यते।
योगारूढस्य तस्यैव शमः कारणमुच्यते॥
Arurukshormuneryogam Karma Karanamuchyate |
Yogarudhasya Tasyaiva Shamah Karanamuchyate ||
For the contemplative person seeking to rise into yoga, action is said to be the means; for that same person established in yoga, quietude is said to be the means.
श्लोक 4#
यदा हि नेंद्रियार्थेषु न कर्मस्वनुषज्जते।
सर्वसंकल्पसंन्यासी योगारूढस्तदोच्यते॥
Yada Hi Nendriyartheshu Na Karmasvanushajjate |
Sarvasankalpasamnyasi Yogarudhastadochyate ||
When a person is attached neither to sense objects nor to actions, and has relinquished all desire-driven resolves, that person is said to be established in yoga.
श्लोक 5#
उद्धरेदात्मनात्मानं नात्मानमवसादयेत्।
आत्मैव ह्यात्मनो बंधुरात्मैव रिपुरात्मनः॥
Uddharedatmanatmanam Natmanamavasadayet |
Atmaiva Hyatmano Bandhuratmaiva Ripuratmanah ||
Krishna urges a person to raise the self by the self and not let the self sink; in this layered language, the self is its own friend and also its own adversary.
श्लोक 6#
बंधुरात्माऽऽत्मनस्तस्य येनात्मैवात्मना जितः।
अनात्मनस्तु शत्रुत्वे वर्तेतात्मैव शत्रुवत्॥
Bandhuratma''tmanastasya Yenatmaivatmana Jitah |
Anatmanastu Shatrutve Vartetatmaiva Shatruvat ||
For one who has brought the self under discipline, the self is a friend; for one who has not, that same self may act as an adversary.
श्लोक 7#
जितात्मनः प्रशांतस्य परमात्मा समाहितः।
शीतोष्णसुखदुःखेषु तथा मानापमानयोः॥
Jitatmanah Prashantasya Paramatma Samahitah |
Shitoshnasukhaduhkheshu Tatha Manapamanayoh ||
Krishna describes a self-governed, peaceful person whose higher self is settled amid cold and heat, pleasure and pain, and honour and dishonour.
श्लोक 8#
ज्ञानविज्ञानतृप्तात्मा कूटस्थो विजितेंद्रियः।
युक्त इत्युच्यते योगी समलोष्टाश्मकांचनः॥
Jnanavijnanatriptatma Kutastho Vijitendriyah |
Yukta Ityuchyate Yogi Samaloshtashmakanchanah ||
A yogi satisfied by knowledge and understanding, steady and with the senses governed, is called integrated when a clod, a stone and gold are regarded alike.
श्लोक 9#
सुहृन्मित्रार्युदासीनमध्यस्थद्वेष्यबंधुषु।
साधुष्वपि च पापेषु समबुद्धिर्विशिष्यते॥
Suhrinmitraryudasinamadhyasthadveshyabandhushu |
Sadhushvapi Cha Papeshu Samabuddhirvishishyate ||
Krishna praises equal-minded regard toward well-wishers, friends, enemies, the indifferent, mediators, those who are hostile, relatives, the virtuous and those called wrongdoers.
श्लोक 10#
योगी युंजीत सततमात्मानं रहसि स्थितः।
एकाकी यतचित्तात्मा निराशीरपरिग्रहः॥
Yogi Yunjita Satatamatmanam Rahasi Sthitah |
Ekaki Yatachittatma Nirashiraparigrahah ||
Krishna describes a yogi practising steadily in a secluded place, alone, with mind and self restrained, without expectation or possessiveness.
श्लोक 11#
शुचौ देशे प्रतिष्ठाप्य स्थिरमासनमात्मनः।
नात्युच्छ्रितं नातिनीचं चैलाजिनकुशोत्तरम्॥
Shuchau Deshe Pratishthapya Sthiramasanamatmanah |
Natyuchchhritam Natinicham Chailajinakushottaram ||
The verse describes placing a firm seat in a clean place, neither too high nor too low, layered with cloth, skin and kusha grass in the source's meditation setting.
श्लोक 12#
तत्रैकाग्रं मनः कृत्वा यतचित्तेंद्रियक्रियः।
उपविश्यासने युंज्याद्योगमात्मविशुद्धये॥
Tatraikagram Manah Kritva Yatachittendriyakriyah |
Upavishyasane Yunjyadyogamatmavishuddhaye ||
There, seated in place, the practitioner is to gather the mind into one focus, restrain mental and sensory activity, and practise yoga for purification of the self.
श्लोक 13#
समं कायशिरोग्रीवं धारयन्नचलं स्थिरः।
संप्रेक्ष्य नासिकाग्रं स्वं दिशश्चानवलोकयन्॥
Samam Kayashirogrivam Dharayannachalam Sthirah |
Samprekshya Nasikagram Svam Dishashchanavalokayan ||
The practitioner is described holding body, head and neck aligned and still, directing the gaze toward the tip of the nose without looking around.
श्लोक 14#
प्रशांतात्मा विगतभीर्ब्रह्मचारिव्रते स्थितः।
मनः संयम्य मच्चित्तो युक्त आसीत मत्परः॥
Prashantatma Vigatabhirbrahmacharivrate Sthitah |
Manah Samyamya Machchitto Yukta Asita Matparah ||
Krishna describes a calm, fearless practitioner established in a brahmacharya vow, with mind restrained and directed toward him, sitting in yoga with him as the highest aim.
श्लोक 15#
युंजन्नेवं सदाऽऽत्मानं योगी नियतमानसः।
शांतिं निर्वाणपरमां मत्संस्थामधिगच्छति॥
Yunjannevam Sada''tmanam Yogi Niyatamanasah |
Shantim Nirvanaparamam Matsamsthamadhigachchhati ||
Krishna says that a yogi continually practising in this way, with a governed mind, reaches peace culminating in release and grounded in him.
श्लोक 16#
नात्यश्नतस्तु योगोऽस्ति न चैकांतमनश्नतः।
न चातिस्वप्नशीलस्य जाग्रतो नैव चार्जुन॥
Natyashnatastu Yogo'sti Na Chaikantamanashnatah |
Na Chatisvapnashilasya Jagrato Naiva Charjuna ||
Krishna tells Arjuna that yoga is not for one who eats too much or abstains from food entirely, nor for one who sleeps too much or stays awake excessively.
श्लोक 17#
युक्ताहारविहारस्य युक्तचेष्टस्य कर्मसु।
युक्तस्वप्नावबोधस्य योगो भवति दुःखहा॥
Yuktaharaviharasya Yuktacheshtasya Karmasu |
Yuktasvapnavabodhasya Yogo Bhavati Duhkhaha ||
For one measured in food and recreation, measured in action, and measured in sleep and waking, Krishna says yoga becomes a remover of suffering.
श्लोक 18#
यदा विनियतं चित्तमात्मन्येवावतिष्ठते।
निःस्पृहः सर्वकामेभ्यो युक्त इत्युच्यते तदा॥
Yada Viniyatam Chittamatmanyevavatishthate |
Nihsprihah Sarvakamebhyo Yukta Ityuchyate Tada ||
When the disciplined mind rests in the self and a person is without longing for the objects of desire, that person is then called established in yoga.
श्लोक 19#
यथा दीपो निवातस्थो नेंगते सोपमा स्मृता।
योगिनो यतचित्तस्य युंजतो योगमात्मनः॥
Yatha Dipo Nivatastho Nengate Sopama Smrita |
Yogino Yatachittasya Yunjato Yogamatmanah ||
A lamp in a windless place does not flicker: this is the image given for a yogi whose mind is restrained while practising yoga of the self.
श्लोक 20#
यत्रोपरमते चित्तं निरुद्धं योगसेवया।
यत्र चैवात्मनाऽऽत्मानं पश्यन्नात्मनि तुष्यति॥
Yatroparamate Chittam Niruddham Yogasevaya |
Yatra Chaivatmana''tmanam Pashyannatmani Tushyati ||
The passage describes a state where the mind, quieted through yoga practice, comes to rest, and where one perceives the self by the self and finds contentment in the self.
श्लोक 21#
सुखमात्यंतिकं यत्तद्बुद्धिग्राह्यमतींद्रियम्।
वेत्ति यत्र न चैवायं स्थितश्चलति तत्त्वतः॥
Sukhamatyantikam Yattadbuddhigrahyamatindriyam |
Vetti Yatra Na Chaivayam Sthitashchalati Tattvatah ||
In that state, one knows an ultimate joy grasped by understanding rather than the senses and, established there, does not depart from what is true.
श्लोक 22#
यं लब्ध्वा चापरं लाभं मन्यते नाधिकं ततः।
यस्मिन्स्थितो न दुःखेन गुरुणापि विचाल्यते॥
Yam Labdhva Chaparam Labham Manyate Nadhikam Tatah |
Yasminsthito Na Duhkhena Gurunapi Vichalyate ||
Having gained this, the practitioner considers no other gain greater; established in it, the verse says, one is not shaken even by profound sorrow.
श्लोक 23#
तं विद्याद्दुःखसंयोगवियोगं योगसंज्ञितम्।
स निश्चयेन योक्तव्यो योगोऽनिर्विण्णचेतसा॥
Tam Vidyadduhkhasamyogaviyogam Yogasanjnitam |
Sa Nishchayena Yoktavyo Yogo'nirvinnachetasa ||
Krishna calls the separation from the conjunction with suffering yoga, and says this yoga is to be practised with resolve and without a discouraged mind.
श्लोक 24#
संकल्पप्रभवान्कामांस्त्यक्त्वा सर्वानशेषतः।
मनसैवेंद्रियग्रामं विनियम्य समंततः॥
Sankalpaprabhavankamamstyaktva Sarvanasheshatah |
Manasaivendriyagramam Viniyamya Samantatah ||
The instruction continues into 6.25: having relinquished every desire arising from resolve and restrained the whole range of senses by the mind on all sides, the practitioner proceeds gradually.
श्लोक 25#
शनैः शनैरुपरमेद्बुद्ध्या धृतिगृहीतया।
आत्मसंस्थं मनः कृत्वा न किंचिदपि चिंतयेत्॥
Shanaih Shanairuparamedbuddhya Dhritigrihitaya |
Atmasamstham Manah Kritva Na Kinchidapi Chintayet ||
With understanding held steady, one should become quiet little by little, set the mind upon the self and, within this meditation, let it rest from other thought.
श्लोक 26#
यतो यतो निश्चरति मनश्चंचलमस्थिरम्।
ततस्ततो नियम्यैतदात्मन्येव वशं नयेत्॥
Yato Yato Nishcharati Manashchanchalamasthiram |
Tatastato Niyamyaitadatmanyeva Vasham Nayet ||
Wherever the restless, unsteady mind wanders, the practitioner is to draw it back from there and guide it toward the self.
श्लोक 27#
प्रशांतमनसं ह्येनं योगिनं सुखमुत्तमम्।
उपैति शांतरजसं ब्रह्मभूतमकल्मषम्॥
Prashantamanasam Hyenam Yoginam Sukhamuttamam |
Upaiti Shantarajasam Brahmabhutamakalmasham ||
Krishna says supreme joy comes to this yogi: the mind is peaceful, passion has quieted, and the yogi is described as Brahman-become and free of stain.
श्लोक 28#
युंजन्नेवं सदाऽऽत्मानं योगी विगतकल्मषः।
सुखेन ब्रह्मसंस्पर्शमत्यंतं सुखमश्नुते॥
Yunjannevam Sada''tmanam Yogi Vigatakalmashah |
Sukhena Brahmasamsparshamatyantam Sukhamashnute ||
Krishna says that a yogi continually practising in this way, free of stain, readily experiences unbounded joy in contact with Brahman.
श्लोक 29#
सर्वभूतस्थमात्मानं सर्वभूतानि चात्मनि।
ईक्षते योगयुक्तात्मा सर्वत्र समदर्शनः॥
Sarvabhutasthamatmanam Sarvabhutani Chatmani |
Ikshate Yogayuktatma Sarvatra Samadarshanah ||
One whose self is joined in yoga and whose vision is equal everywhere sees the self abiding in all beings and all beings within the self.
श्लोक 30#
यो मां पश्यति सर्वत्र सर्वं च मयि पश्यति।
तस्याहं न प्रणश्यामि स च मे न प्रणश्यति॥
Yo Mam Pashyati Sarvatra Sarvam Cha Mayi Pashyati |
Tasyaham Na Pranashyami Sa Cha Me Na Pranashyati ||
Krishna says that for one who sees him everywhere and everything in him, he is never lost to that person and that person is never lost to him.
श्लोक 31#
सर्वभूतस्थितं यो मां भजत्येकत्वमास्थितः।
सर्वथा वर्तमानोऽपि स योगी मयि वर्तते॥
Sarvabhutasthitam Yo Mam Bhajatyekatvamasthitah |
Sarvatha Vartamano'pi Sa Yogi Mayi Vartate ||
Krishna says a yogi who worships him as present in all beings while established in oneness abides in him, however that yogi lives.
श्लोक 32#
आत्मौपम्येन सर्वत्र समं पश्यति योऽर्जुन।
सुखं वा यदि वा दुःखं स योगी परमो मतः॥
Atmaupamyena Sarvatra Samam Pashyati Yo'rjuna |
Sukham Va Yadi Va Duhkham Sa Yogi Paramo Matah ||
Krishna calls highest the yogi who, by comparison with oneself, sees happiness and suffering everywhere with equal regard, Arjuna.
श्लोक 33#
अर्जुन उवाच
योऽयं योगस्त्वया प्रोक्तः साम्येन मधुसूदन।
एतस्याहं न पश्यामि चंचलत्वात्स्थितिं स्थिराम्॥
Arjuna Uvacha
Yo'yam Yogastvaya Proktah Samyena Madhusudana |
Etasyaham Na Pashyami Chanchalatvatsthitim Sthiram ||
Arjuna says he cannot see a stable basis for the yoga of evenness Krishna has described, because the mind is restless.
श्लोक 34#
चंचलं हि मनः कृष्ण प्रमाथि बलवद्दृढम्।
तस्याहं निग्रहं मन्ये वायोरिव सुदुष्करम्॥
Chanchalam Hi Manah Krishna Pramathi Balavaddridham |
Tasyaham Nigraham Manye Vayoriva Sudushkaram ||
The mind, Arjuna says to Krishna, is restless, turbulent, strong and stubborn; restraining it seems to him as difficult as restraining the wind.
श्लोक 35#
श्रीभगवानुवाच
असंशयं महाबाहो मनो दुर्निग्रहं चलम्।
अभ्यासेन तु कौन्तेय वैराग्येण च गृह्यते॥
Shribhagavanuvacha
Asamshayam Mahabaho Mano Durnigraham Chalam |
Abhyasena Tu Kaunteya Vairagyena Cha Grihyate ||
Krishna agrees that the restless mind is hard to restrain, mighty-armed Arjuna, but says it can be guided through practice and detachment.
श्लोक 36#
असंयतात्मना योगो दुष्प्राप इति मे मतिः।
वश्यात्मना तु यतता शक्योऽवाप्तुमुपायतः॥
Asamyatatmana Yogo Dushprapa Iti Me Matih |
Vashyatmana Tu Yatata Shakyo'vaptumupayatah ||
In Krishna's view, yoga is hard to attain for a person without self-restraint; for one who strives with the self brought under guidance, it can be attained through suitable means.
श्लोक 37#
अर्जुन उवाच
अयतिः श्रद्धयोपेतो योगाच्चलितमानसः।
अप्राप्य योगसंसिद्धिं कां गतिं कृष्ण गच्छति॥
Arjuna Uvacha
Ayatih Shraddhayopeto Yogachchalitamanasah |
Aprapya Yogasamsiddhim Kam Gatim Krishna Gachchhati ||
Arjuna asks Krishna what becomes of someone without steady discipline yet possessing faith, whose mind strays from yoga before its fulfilment.
श्लोक 38#
कच्चिन्नोभयविभ्रष्टश्छिन्नाभ्रमिव नश्यति।
अप्रतिष्ठो महाबाहो विमूढो ब्रह्मणः पथि॥
Kachchinnobhayavibhrashtashchhinnabhramiva Nashyati |
Apratishtho Mahabaho Vimudho Brahmanah Pathi ||
Arjuna worries whether such a person, fallen from both paths and without a firm ground on the way to Brahman, might be lost like a cloud torn apart.
श्लोक 39#
एतन्मे संशयं कृष्ण छेत्तुमर्हस्यशेषतः।
त्वदन्यः संशयस्यास्य छेत्ता न ह्युपपद्यते॥
Etanme Samshayam Krishna Chhettumarhasyasheshatah |
Tvadanyah Samshayasyasya Chhetta Na Hyupapadyate ||
Arjuna asks Krishna to remove this doubt completely, saying he knows no one else who can resolve it.
श्लोक 40#
श्रीभगवानुवाच
पार्थ नैवेह नामुत्र विनाशस्तस्य विद्यते।
नहि कल्याणकृत्कश्चिद्दुर्गतिं तात गच्छति॥
Shribhagavanuvacha
Partha Naiveha Namutra Vinashastasya Vidyate |
Nahi Kalyanakritkashchiddurgatim Tata Gachchhati ||
Krishna assures Arjuna that such a person is not lost in this world or beyond it: one who does good, he says, does not come to a bad end.
श्लोक 41#
प्राप्य पुण्यकृताँल्लोकानुषित्वा शाश्वतीः समाः।
शुचीनां श्रीमतां गेहे योगभ्रष्टोऽभिजायते॥
Prapya Punyakritan Lokanushitva Shashvatih Samah |
Shuchinam Shrimatam Gehe Yogabhrashto'bhijayate ||
In Krishna's account, the practitioner who fell short dwells for long ages in worlds of those who have done good, then is born in a household described as pure and prosperous.
श्लोक 42#
अथवा योगिनामेव कुले भवति धीमताम्।
एतद्धि दुर्लभतरं लोके जन्म यदीदृशम्॥
Athava Yoginameva Kule Bhavati Dhimatam |
Etaddhi Durlabhataram Loke Janma Yadidrisham ||
Alternatively, Krishna says, such a person is born in a family of wise yogis, a birth he calls still rarer in the world.
श्लोक 43#
तत्र तं बुद्धिसंयोगं लभते पौर्वदेहिकम्।
यतते च ततो भूयः संसिद्धौ कुरुनंदन॥
Tatra Tam Buddhisamyogam Labhate Paurvadehikam |
Yatate Cha Tato Bhuyah Samsiddhau Kurunandana ||
There, Krishna says, that person recovers the connection of understanding formed in an earlier body and strives again for fulfilment, descendant of Kuru.
श्लोक 44#
पूर्वाभ्यासेन तेनैव ह्रियते ह्यवशोऽपि सः।
जिज्ञासुरपि योगस्य शब्दब्रह्मातिवर्तते॥
Purvabhyasena Tenaiva Hriyate Hyavasho'pi Sah |
Jijnasurapi Yogasya Shabdabrahmativartate ||
That earlier practice draws the person onward even without conscious control; even one who seeks to know yoga passes beyond what the verse calls shabda-brahman.
श्लोक 45#
प्रयत्नाद्यतमानस्तु योगी संशुद्धकिल्बिषः।
अनेकजन्मसंसिद्धस्ततो याति परां गतिम्॥
Prayatnadyatamanastu Yogi Samshuddhakilbishah |
Anekajanmasamsiddhastato Yati Param Gatim ||
Krishna says the yogi who strives diligently, cleansed of wrongdoing and brought to fulfilment through many births, then reaches the highest destination.
श्लोक 46#
तपस्विभ्योऽधिको योगी ज्ञानिभ्योऽपि मतोऽधिकः।
कर्मिभ्यश्चाधिको योगी तस्माद्योगी भवार्जुन॥
Tapasvibhyo'dhiko Yogi Jnanibhyo'pi Mato'dhikah |
Karmibhyashchadhiko Yogi Tasmadyogi Bhavarjuna ||
Krishna places the yogi above ascetics, those called knowers and those engaged in action, and therefore urges Arjuna to become a yogi.
श्लोक 47#
योगिनामपि सर्वेषां मद्गतेनांतरात्मना।
श्रद्धावान्भजते यो मां स मे युक्ततमो मतः॥
Yoginamapi Sarvesham Madgatenantaratmana |
Shraddhavanbhajate Yo Mam Sa Me Yuktatamo Matah ||
Among all yogis, Krishna regards as most fully united the faithful one whose inner self is directed toward him and who worships him.